უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ჩემო პოლიციელებო, ეს მიღწევები თითოეული თქვენგანის შრომის, ენთუზიაზმის და რწმენის შედეგია - გიორგი მღებრიშვილი
ასე ნაბიჯ-ნაბიჯ დასავლური სამყაროს ღირსეული ნაწილი ვხდებით და ამაში საერთაშორისო საპოლიციო თანამშრომლობას გადამწყვეტი მნიშვნელობა აქვს, - განაცხადა შინაგან საქმეთა მინისტრმა გიორგი მღებრიშვილმა პოლიციელის დღისადმი მიძღვნილ საზეიმო ღონისძიებაზე.
მისი შეფასებით, დიდია სხვადასხვა ქვეყნის პოლიციელების სოლიდარობის, თანადგომის ძალა.
აქვე, როგორც შს მინისტრმა აღნიშნა, საქართველოს უსაფრთხოების სტანდარტები დღითიდღე უმჯობესდება და ამას სხვადასხვა საერთაშორისო რეიტინგებიც ცხადყოფს.
”ჩემო პოლიციელებო, ეს მიღწევები თითოეული თქვენგანის შრომის, ენთუზიაზმის და რწმენის შედეგია, რწმენის, როცა მიუხედავად არაერთი ყოველდღიური გამოწვევისა გჯერათ, რომ ემსახურებით მართალ საქმეს და თქვენი წვლილი შეგაქვთ სიმართლისა და სამართლიანობისთვის ბრძოლაში ჩვენი ოჯახების, შვილების, ჩვენი მოქალაქეების უკეთესი მომავლისთვის. დიდი მადლობა თქვენ ამისთვის”,- მიმართა გიორგი მღებრიშვილმა პოლიციელებს.
ღონისძიების მონაწილეებმა მინისტრის თხოვნით, მსოფლიოში სამსახურებრივი მოვალეობის დროს დაღუპული პოლიციელების ხსოვნას პატივი მიაგეს.
”მინდა, ყველამ ერთად წუთიერი დუმილით პატივი მივაგოთ მსოფლიოში სამსახურებრივი მოვალეობის შესრულების დროს დაღუპული პოლიციელების ხსოვნას, იმ ადამიანების ხსოვნას, რომლებიც თითოეული ჩვენგანის უსაფრთხოებას შეეწირნენ”,- აღნიშნა გიორგი მღებრიშვილმა.