უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
პოლიტიკა
ჩვენ ევროკავშირში წავალთ ჩვენი ხედვით, კონსტიტუციური ჩარჩოთი, რომ ადამიანები, რომლებმაც მიიღეს ხმა, უნდა შებრძანდნენ პარლამენტში - სოზარ სუბარი
თუ მზად იქნებიან მოლაპარაკებებისთვის, ჩვენ ყოველთვის მზად ვართ. ჩვენ ევროკავშირში წავალთ ჩვენი ხედვით, კონსტიტუციური ჩარჩოთი, რომ ადამიანები, რომლებმაც მიიღეს ხმა, უნდა შებრძანდნენ პარლამენტში, - ამის შესახებ საპარლამენტო უმრავლესობის წევრმა, სოზარ სუბარმა ჟურნალისტებთან საუბრისას განაცხადა.
„ჩვენი სურვილი და მიზანია, რომ ყველაფერი იყოს კონსტიტუციურ ჩარჩოში. როდესაც ადამიანი ხმას აძლევს რომელიმე პარტიას, მან სახელმწიფოს ნგრევა კი არ უნდა დაიწყოს, უნდა შევიდეს პარლამენტში და იქ ილაპარაკოს.
სამწუხაროდ, ოპოზიცია ამას არ აკეთებს. რაუნდებს მაშინ აქვს მნიშვნელობა, თუ რაღაც შედეგზე იქნება ორიენტირებული. დიდი ხანია არ გამართულა არანაირი შეხვედრა იმიტომ, რომ შედეგს ვერ ხედავენ ვერც ფასილიტატორები და ვერც ჩვენ ვხედავთ შესაძლო შედეგს.
თუ მზად იქნებიან მოლაპარაკებებისთვის, ჩვენ ყოველთვის მზად ვართ. ჩვენ ევროკავშირში წავალთ ჩვენი ხედვით, კონსტიტუციური ჩარჩოთი, რომ ადამიანები, რომლებმაც მიიღეს ხმა, უნდა შებრძანდნენ პარლამენტში.
თუ ლაპარაკია რიგგარეშე არჩევნებზე, ამისთვისაც მზად ვართ, ოღონდ მიზეზი უნდა გვქონდეს. გაყალბდა თუ არა არჩევნები, ამის შესწავლის ყველანაირი ბერკეტი არსებობს. თუ ოპოზიციას ეჭვი ეპარება, ერთად ვთხოვოთ ევროკავშირს, გამოავლინოს თავისი ექსპერტები, რომლებიც დაჯდებიან კომისიაში და ნახავენ, გაყალბდა თუ არა არჩევნები. თუ იტყვიან, რომ ვითარება შეცვლილია და გაყალბების კვალის დადგენა შეუძლებელია, ამასაც იტყვიან და ესეც პასუხი იქნება, თუმცა ამაზეც არ მოდის ოპოზიცია, ყველაზე კარგად მათ იციან, რომ არ გაყალბებულა“, - აღნიშნა სოზარ სუბარმა.