საზოგადოება

ჩვენ ყველაფერს გავაკეთებთ იმისთვის, რომ ამ ბავშვს ნორმალური მომავალი ჰქონდეს - დავით სერგეენკო სოცქსელში გავრცელებულ ვიდეოზე

შრომის, ჯანმრთელობისა და სოციალური დაცვის მინისტრი დავით სერგეენკო გამოეხმაურა სოციალურ ქსელში გავრცელებულ ვიდეოს, რომელშიც არასრულწლოვნის მიმართ ფიზიკური და ფსიქოლოგიური ძალადობის ფაქტი იკვეთება.

მინისტრის თქმით, ბავშვი იდენტიფიცირებულია და მასთან მუშაობენ ფსიქოლოგები და ჯანდაცვის სამინისტროს სოციალური სამსახური.

„ბავშვის ვინაობა იდენტიფიცირებულია. ეს ვიდეო გუშინ გავრცელდა და დაუყოვნებლივ მოხდა რეაგირება. ჩვენ ყველაფერს გავაკეთებთ იმისთვის, რომ ამ ბავშვს ნორმალური მომავალი ჰქონდეს“, -თქვა მინისტრმა.

აღნიშნული ვიდეო, რომელიც არასრულწლოვნებმა ატვირთეს, შსს-მ გამოძიება დაიწყო საქართველოს სსკ-ის 140-ე და 157-ე პრიმა მუხლების მეორე ნაწილებით, რაც 5-დან 8 წლამდე ვადით თავისუფლების აღკვეთას ითვალისწინებს.