არქივი
კომენტარი
ჩვენ უფრო მეტს მივაღწევთ ჯანმრთელები და ჯანსაღები, ვიდრე „დაბოლილები“ - კობა კობალაძე
საპარლამენტო უმრავლესობის წევრი კობა კობალაძე, საქართველოში ნარკოპოლიტიკის საკითხს გამოეხმაურა.
როგორც დეპუტატმა პრესკონფერენციაზე განაცხადა, ჩვენი ქვეყნის წინაშე გაცილებით მეტი ამოცანა დგას, ვიდრე „დაბოლილი“ სიარული.
„მე ვთვლი, რომ ადამიანი, ვინც არის ამ სენით – ნარკომანიით დაავადებული, უნდა იქნას განკურნებული. თუმცა, ღმერთის წყალობით, ყველას ჰყავს შვილები და გვინდა, რომ ეს შვილები ჯანმრთელები და ჯანსაღები გავზარდოთ. წარმატებული სახელმწიფოს შენების საფუძველი ჯანსაღი მომავალი თაობაა. გაცილებით მეტი ამოცანაა ჩვენი ქვეყნის წინაშე, ვიდრე „დაბოლილი“ სიარულია. ნარკოპოლიტიკის გატარების დროს, უნდა იყოს გათვალისწინებული ყველაფერი, მათ შორის, უნდა ვიყოთ ორიენტირებული შედეგებზე. ჩვენ უფრო მეტს მივაღწევთ ჯანმრთელები და ჯანსაღები, ვიდრე „დაბოლილები“, – განაცხადა კობა კობალაძემ.
მონიკა დავლიანიძე