უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
არქივი
ეკონომიკა
ჩვენ ვაწარმოებთ უფილტრო სიგარეტს და ვიხდით უფილტრო სიგარეტის აქციზს, - რაში გამოიხატება აქ კანონის დარღვევა? - ლევან აღდგომელაშვილი
ჩვენ ვაწარმოებთ უფილტრო სიგარეტს, ვყიდით უფილტრო სიგარეტად და ვიხდით უფილტრო სიგარეტის აქციზის გადასახადს, - რაში გამოიხატება აქ კანონის დარღვევა ან კანონის რა ხარვეზზეა საუბარი, გაუგებარია. - ასე გამოეხმაურა ,,ომეგა ჯგუფი - თამბაქოს“ გენერალური მენეჯერი, ლევან აღდგომელაშვილი „რუსთავი 2“-ის ეთერში გასულ სიუჟეტს, სადაც საუბარი იყო იმაზე, რომ ადგილობრივი თამბაქოს მწარმოებლები გარკვეულები ხრიკებით თავს არიდებენ გადასახადებს და ბიუჯეტს 50 მილიონით აზარალებენ.
როგორც ტელეკომპანია ,,იბერიას“ გადაცემაში ,,ცენზურის გარეშე“ სტუმრობისას აღდგომელაშვილმა განაცხადა, მისთვის გაუგებარია, რის საფუძველზე დაადგინეს ექსპერტებმა 50 მილიონიანი ზარალის ოდენობა.
ამასთან, ,,ომეგა ჯგუფი - თამბაქოს“ გენერალური მენეჯერი, „რუსთავი 2“-დან მათ არავინ დაკავშირებია, რათა მათი პოზიციაც მოესმინათ და საკითხზე განმარტება ეთხოვათ.
,,ვუყურეთ ამ სიუჟეტს, რომელიც „რუსთავი 2“-ის ეთერში გავიდა და იქ ექსპერტები საუბრობდნენ 50 მილიონზე. აბსოლუტურად დაუსაბუთებელი რიცხვია, საიდან წამოვიდა ეს 50 მილიონი, მათ არ უთქვამთ, არ დაუსაბუთებიათ, არ ყოფილა არანაირი არგუმენტაცია, რომ ეს იყო ნამდვილად 50 მილიონი.
რა ხარვეზზე არის საუბარი? უფილტრო სიგარეტი იწარმოებოდა წლების განმავლობაში საქართველოში და იწარმოება დღესაც. უფილტრო სიგარეტი მარტო საქართველოში ხომ არ იწარმოება? უფილტრო სიგარეტი ძალიან ბევრ ქვეყანაში, მათ შორის მსოფლიოს წამყვან ქვეყნებშიც იწარმოება და იყიდება როგორც უფილტრო სიგარეტი. ეს არ არის რაღაც ახალი და გამოგონილი.
თქვენ იცით თუ არა, რომ ყველა ქვეყანაში, მათ შორის საქართველოში იყიდება ცარიელი სიგარეტის ღერები ფილტრიანი. მომხმარებელი ცალკე ამას ყიდულობს და შემდეგ ცალკე ყიდულობს თამბაქოსაც და აქცევს უკვე ფილტრიან სიგარეტად და ეწევა ფილტრიან სიგარეტად. დაინტერესდა სიუჟეტის ავტორი ან რომელიმე ექსპერტი, როგორ იბეგრება ეს? აქციზს ის არ იხდის, იმიტომ, რომ ის არ ყიდის სრულ სიგარეტს, ის ყიდის ცარიელს ღერს სიგარეტისას და ცალკე იყიდება თამბაქო.
უფილტრო სიგარეტი კანონით ნებადართული მარტო საქართველოში კი არა, ყველგან არის. გამოდის, რომ თურმე ჩვენ ამის გამო რაღაც ხრიკს ვიყენებთ, რომ ბიუჯეტი ვაზარალოთ.
მე ძალიან მინდა იმედი ვიქონია, რომ სიუჟეტი ტენდენციური იყო იმის გამო, „რუსთავი 2“-ის ინფორმაციის წყარო იყო თავად ტენდენციური. ვის ინტერესში შედის, ამაზე ჩემი მოსაზრება მაქვს. კარგი იქნებოდა, რომ ადგილობრივი წარმოებიდან რომელიმეს დაგვკავშირებოდნენ და შეკითხვა დაესვათ“, - განაცხადა ლევან აღდგომელაშვილმა.