უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
არქივი
პოლიტიკა
ჩვენი ოპონენტების პოლიტიკური ამოცანაა დესტრუქციული გზებით ხელისუფლებაში მოხვედრა - ბექა დავითულიანის თქმით, მმართველი გუნდის ოფისში მეორე ტურზე მსჯელობენ
პარტია „ქართული ოცნების“ ცენტრალურ ოფისში დილიდან შეხვედრები მიმდინარეობს. პარტიის წევრის ბექა დავითულიანის განცხადებით, შეხვედრას პარტიის პოლიტსაბჭოს წევრები და თავმჯდომარე ბიძინა ივანიშვილი მართავენ.
როგორც მან ჟურნალისტებს განუცხადა, პარტიის ლიდერები შეხვედრაზე მეორე ტურის სამზადისზე მსჯელობენ.
„მიმდინარეობს მსჯელობა მეორე ტურთან დაკავშირებით. ჩვენ მოსახლეობისგან მივიღეთ გზავნილი, რასაც სჭირდება შესაბამისი პასუხი“, -თქვა დავითულიანმა.
რაც შეეხება საპარლამენტო უმრავლესობის წევრის, გედევან ფოფხაძის განცხადებას, რომ მეორე ტურში გრიგოლ ვაშაძის გამარჯვების შემთხვევაში სამოქალაქო ომი დაიწყება, დავითულიანმა განაცხადა, რომ ოპონენტები ხელისუფლებაში მოსვლას დესქტრუქციული გზებით ცდილობენ.
„ჩვენ ვიცით, რომ ჩვენი ოპონენტების მართვის სტილი, მათი პოლიტიკური ამოცანა არის დესტრუქციული გზებით ხელისუფლებაში მოხვედრა, თუმცა ჩვენ ამას არ დავუშვებთ“, -თქვა საკრებულოს უმრავლესობის წევრმა.
შეკითხვაზე, სწორად მიაჩნია თუ არა, საპრეზიდენტო კანდიდატის, სალომე ზურაბიშვილის მესიჯი, რომ არჩევნების მეორე ტური ეს არ არის ბრძოლა ორ კანდიდატს შორის, არამედ ეს არის ბრძოლა ორ საქართველოს შორის , დავითულიანმა უპასუხა „რუსთავი 2“-ის ჟურნალისტს, რომ : „საქართველო ერთია, მეორეს შექმნას თქვენი მეგობრები ცდილობენ“.
რაც შეეხება „საერთაშორისო გამჭვირვალობა-საქართველოს“ განცხადებას, რომ სალომე ზურაბიშვილის სასარგებლოდ „ქართულმა ოცნებამ“ უკანონო შემოწირულობა გაიღო, როცა პარტიამ დაუკვეთა „ფსიქო პროექტი“ და თანხა გადაუხადა კოორდინატორებს, დავითულიანმა განაცხადა, რომ ეს ასე არ არის. მისი თქმით, თუ აუდიტის სამსახური ჩათვლის, რომ ეს კანონიერი ქმედება არ იყო, შესაბამის განცხადებასაც გააკეთებს.