უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
არქივი
ეკონომიკა
ჩვენს ქვეყანაში არც ანტიდემპინგური კანონი არსებობს და არც კონკურენციის შესახებ კანონი სრულდება სათანადოდ - ლევან აღდგომელაშვილი
,,ომეგა ჯგუფი - თამბაქოს“ გენერალური მენეჯერი, ლევან აღდგომელაშვილი და „თბილისი თამბაქოს“ გენერალურ დირექტორი ზვიად მუკბანიანი ერთად “რუსთავი 2”-ის ეთერში გასულ სიუჟეტს გამოეხმაურნენ, სადაც საუბარი იყო იმაზე, რომ ადგილობრივი თამბაქოს მწარმოებლები კანონში არსებული ხარვეზებით და გარკვეული ხრიკებით თავს არიდებენ გადასახადებს და ბიუჯეტს 50 მილიონით აზარალებენ.
როგორც აღდგომელაშვილმა პორტალ „კვირას“ პრესკლუბში „თბილისი თამბაქოს“ გენერალურ დირექტორთან ზვიად მუკბანიანთან ერთად გამართულ პრესკონფერენციაზე განაცხადა, ადგილობრივი ფაბრიკების იძულებით გადასვლა უფილტრო სიგარეტის წარმოებაზე, განპირობებულია იყო დემპინგური პოლიტიკით.
მისი თქმით, დემპინგი სამომხმარებლო ბაზარზე არის ყველა დარგის პრობლემური თემა.
,,ჩვენს ქვეყანაში დემპინგის არსებობა უცხოელი იმპორტიორების მიერ და დემპინგისადმი მიყურადება თუ წაქეზება არის საკანონმდებლო ხარვეზიც და თაღლითობაც“, - განაცხადა აღდგომელაშვილმა.
მისი თქმით, პრობლემაა ის, რომ სათანადოდ არ მუშაობს კონკურენციის შესახებ კანონმდებლობა და არც ანტიდემპინგური კანონდებლობა არსებობს.
,,დემპინგთან ერთად, უცხოური იმპორტიორების მიერ იზღუდება ადგილობრივი ნაწარმის შესვლა საცალო ქსელში. ადგილობრივი ნაწარმის საცალო ქსელიდან განდევნა ექსკლუზიური შეთანხმებების საშუალებით ხორციელდება. სწორედ ესეცაა საკანონმდებლო ხარვეზი და ამ ხარვეზების გამო ბიუჯეტმა დაკარგა გაცილებით მეტი თანხები, ვიდრე ვირტუალური 50 მილიონია, რადგან დემპინგის შემთხვევაში იმპორტიორი იხდის ნაკლებ დღგ-ს და აქციზის ადვალური ნაწილის ნაკლებ გადასახადს. ექსპერტებს ვურჩევდი, ეს თანხები დაეთვალათ და გარწმუნებთ, ბიუჯეტის ზარალის კოლოსალურ თანხებზე გავლენ. აი, ეს ხარვეზებია გამოსასწორებელი. სამწუხაროდ, ჩვენს ქვეყანაში არც ანტიდემპინგური კანონი არსებობს და არც კონკურენციის შესახებ კანონი სრულდება სათანადოდ“, - განაცხადა აღდგომელაშვილმა.