საზოგადოება

დაჭრილი თემირლან მაჩალიკაშვილი თბილისში გადმოიყვანეს

პანკისის ხეობაში ჩატარებული სპეცოპერაციისას დაჭრილი თემირლან მაჩალიკაშვილი თბილისში, წმინდა მიხეილის სახელობის საავადმყოფოში გადმოიყვანეს.

ექიმების შეფასებით, მისი მდგომარეობა სტაბილურად მძიმეა.

„არანაირ გართულებას ტრანსპორტირებისას ადგილი არ ჰქონია. ჩაუტარდება გამოკვლევები და დამატებით კომენტარს კლინიკის ექიმები გააკეთებენ“, - განუცხადა ჟურნალისტებს სასწრაფო სამედიცინო დახმარების ბრიგადის ექიმმა ბაია დემურიამ.

ცნობისათვის, სახელმწიფო უსფრთხოების სამსახურმა 26 დეკემბერს 5 პირი დააკავა, აქედან 4 პანკისში, ერთი კი - თბილისში.

დაკავებულებს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად. დაკავებულთა შორეის იყო თემირლან მაჩალიკაშვილცი, რომელიც სუს-ის ცნობით, პანკისში ჩატარებული სპეცოპერაციის დროს დაიჭრა.