უკან

საზოგადოება

16 თებერვალი, 2017 18:40
font-size

დადგენილება კერძო და სახელმწიფო სადაზღვეო პაკეტების გამიჯვნის შესახებ არ შეიცვლება - დავით სერგეენკო

საქართველოს ჯანდაცვის მინისტრის დავით სერგეენკოს განცხადებით, მთავრობის მიერ მიღებული 73-ე დადგენილება, რომელიც კერძო დაზღვევისა და საყოველთაო ჯანდაცვის პროგრამის პაკეტებს ერთმანეთისგან მიჯნავს, არ შეიცვლება.

“მთავრობის მიერ მიღებული დადგენილება ამ საკითხთან დაკავშირებით არ შეიცვლება და სადაზღვევო კომპანიებს შეუძლიათ, ეს საკითხი დაივიწყონ”,- განაცხადა სერგეენკომ.

მინისტრის განმარტებით, ახალი წესის მიღების მიზეზი დაზღვევის მქონე პირთა ბაზის განუახლებლობა გახდა.

„2013 წელს მიღებული იყო გადაწყვეტილება, როცა კერძო დაზღვევის მონაწილეები გაემიჯნენ საყოველთაო დაზღვევის მონაწილეებს და უკვე შეიქმნა მოძველებული ბაზა. მაშინ იქნა მიღებული გადაწყვეტილება, რომ სადაზღვევო კომპანიებს მთავრობისთვის უნდა წარედგინათ 2013 წლამდე არსებული ბაზები, თუმცა ეს არ მოხდა. 2013 წლის შემდეგ უკვე შეიცვალა ძალიან ბევრი რამ. ადამიანების ნაწილმა დაკარგა კერძო დაზღვევა და ვეღარ გახდა საყოველთაო დაზღვევის მონაწილე. რეალურად ისინი არიან დისკრიმინებული ადამიანები და ამ ყველაფრის მიზანი განუახლებელი ბაზები იყო. თუმცა არსებობდნენ ისეთი ადამიანები, რომლებსაც ჰქონდათ კერძო დაზღვევა და გახდნენ საყოველთაო დაზღვევის მონაწილეები. შემდგომ შეიძინეს კერძო დაზღვევა და ორივე ფინანსური უზრუნველყოფა გააჩნდათ. ჩვენ მივიღეთ გადაწყვეტილება, რომ სადაზღვევო კომპანიებს ჩვენთვის უნდა მოეწოდებინათ განახლებული ბაზები. ჩვენ მათ მივმართავდით თხოვნით, წერილობით, ყველანაირი ფორმით, თუმცა განახლებული ბაზები არ მოგვაწოდეს”, - განაცხადა დავით სერგეენკომ.

სერგეენკოს თქმით, სადაზღვეო კომპანიებთან მუდმივი კომუნიკაცია მიმდინარეობდა.

მინისტრის ვარაუდით, სადაზღვეო კომპანიების პროტესტი ფინანსური ინტერესებით შეიძლება იყოს განპირობებული.

„ჩვენი გათვლით, არსებული ნაკლებად გამჭვირვალე სისტემის ხარჯზე ყოველთვიურად სახელმწიფო ბიუჯეტის, ანუ ჯანდაცვის ბიუჯეტიდან მილიონს მოიხმარს სადაზღვევო კომპანიები. ვვარაუდობთ, რომ ეს თანხა ზოგიერთი კომპანიის ანგარიშზე მიდის. ახლა კი, როცა სადაზღვევო ინდუსტრიის ზოგიერთი წარმომადგენელი დეკლარირებს, რომ უნდა მსჯელობა და საკითხის განხილვა, სინამდვილეში ეს არის დროის გაყვანის მცდელობა“, - განაცხადა დავით სერგეენკომ.

შეგახსენებთ, რომ დღეს „საქართველოს სადაზღვეო ასოციაციამ“ და სადაზღვეო კომპანიებმა ერთობლივი პრესკონფერენცია გამართეს, სადაც მიმართეს მთავრობას, რომ მან გადახედოს მის მიერ მიღებული 73-ე დადგენილება, რომლის თანახმად, ერთმანეთს გაემიჯნება კერძო და საყოველთაო ჯანდაცვის პროგრამით გათვალისწინებული სადაზღვეო პაკეტები.

„საქართველოს სადაზღვეო ასოციაციის“ გამგეობის თავჯდომარის, დევი ხეჩინაშვილის თქმით, ასეთი მიდგომა სოციალურ პრობლემას გამოიწვევს, რადგან საყოველთაო ჯანდაცვის პროგრამით მოსარგებლეებს მოუწევთ „ჯიბიდან გადაიხადონ“ იმ სერვისებში, რომლებიც საყოველთაო დაზღვევა არ აფინანსებს. მან ასევე თქვა, რომ ცვლილებას ჯანდაცვის სერვისის გაუმჯობესება არ მოჰყვება.

მთავრობის 73-ე დადგენილების თანახმად, კერძო სადაზღვეო პაკეტების კლიენტები ავტომატურად ეთიშებიან საყოველთაო ჯანდაცვის პროგრამას. კერძო და საყოველთაო დაზღვევის პროგრამის მომხმარებელთა სია განისაზღვრება 2017 წლის 1 იანვრის მდგომარეობით. თვითონ კანონი 2017 წლის 1 მარტს ამოქმედდება.

ანა მებურიშვილი

საქართველოში კორონავირუსის 5 ახალი შემთხვევა გამოვლინდა

7 ივლისი, 2020 , 10:40

საქართველოში კორონავირუსით ინფიცირების შემთხვევათა რაოდენობა 5-ით გაიზარდა და 958 გახდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. გამოჯანმრთელებულთა რაოდენობა კი 8-ით გაიზარდა და 838 გახდ

კელი დეგნანი - ეროვნული ბაკნის პრეზიდენტმა ძალიან კარგად გაართვა თავი ქვეყანაში არსებული მძიმე სიტუაციის მართვას

6 ივლისი, 2020 , 22:39

საქართველოს ეროვნული ბანკის პრეზიდენტი კობა გვენეტაძე ამერიკის შეერთებული შტატების საგანგებო და სრულუფლებიან ელჩს საქართველოში კელი დეგნანს შეხვდა. როგორც „მედიანიუსს“ საქართველოს ეროვნული ბანკიდან აცნობეს, შ

ვითიბი ბანკი იპოთეკური სესხების სუბსიდირების პროგრამაში ჩაერთო

6 ივლისი, 2020 , 17:35

ვითიბი ბანკი იპოთეკური სესხების სუბსიდირების პროგრამაში ჩაერთო. საქართველოს მოქალაქეს შეუძლია ისარგებლოს აღნიშნული პროგრამით, თუ ის 2020 წლის ბოლომდე, ნებისმიერი დეველოპერული კომპანიისგან, შეიძენს ბინას და სესხის თანხა ა

საქართველოს ბანკი ხუთ ევროპულ საფინანსო ინსტიტუტთან ერთად ქალთა გაძლიერების ხელშეწყობაზე აცხადებს

6 ივლისი, 2020 , 17:18

საქართველოს ბანკმა ხუთ ევროპულ საფინანსო ინსტიტუტთან ერთად (DEG, Finfund, FMO, SIFEM და Swedfund) 2X Challenge ინიციატივის მხარდაჭერაზე განაცხადა. ინიციატივა ქალი მეწარმეებისთვის ფინანსური ხელმისაწვდომობის ზრდას, მათი ბი

საქართველოს მოქალაქეების სამშობლოში დასაბრუნებლად ავიარეისებს „ვიზეარი“ და „მაივეი ეარლაინსი“ შეასრულებენ

6 ივლისი, 2020 , 16:15

საზღვარგარეთ მყოფი საქართველოს მოქალაქეების სამშობლოში დასაბრუნებლად, ივლისის განმავლობაში ავიარეისებს „ვიზეარი“ და „მაივეი ეარლაინსი“ შეასრულებენ, – ამის შესახებ ინფორმაციას საქართველოს პრე

გიორგი გახარია აბიტურიენტებს მიმართავს - თქვენ ხართ ჩვენი მომავალი და თქვენი განათლება საქართველოს წინსვლის გარანტიაა

6 ივლისი, 2020 , 16:15

საქართველოს პრემიერ-მინისტრი გიორგი გახარია აბიტურიენტებს ერთიან ეროვნულ გამოცდებზე წარმატებებს უსურვებს. „დღეს ერთიანი ეროვნული გამოცდები დაიწყო. წარმატებას გისურვებთ ახალგაზრდებო! თქვენს ცხოვრებაში ეს არის ის ერთ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე