პოლიტიკა

დავამთავროთ მთავარი ფაროსანას, ბიძინა ივანიშვილის პარპაში მთელ ქვეყანაში - შალვა ნათელაშვილი

„ლეიბორისტული პარტიის“ ლიდერმა, შალვა ნათელაშვილმა საქართველოში ჰესების მშენებლობა ბიძინა ივანიშვილის ბიზნესინტერესებს დაუკავშირა. პოლიტიკოსის თქმით, ქვეყნის ყოფილი პრემიერი 50 ჰესის მშენებლობას გეგმავს.

ნათელაშვილმა საზოგადოებას, პოლიტიკურ პარტიებს, მედიაორგანიზაციებსა და მესამე სექტორს გარემოს დასაცავად გაერთიანებული ბრძოლისკენ მოუწოდა .

„შავი კრიმინალური ფულის გასათეთრებლად და ენერგეტიკაში ახალი მილიარდების საშოვნელად, ბიძინა ივანიშვილმა გადაწყვიტა, დატბოროს მთელი საქართველო. ამ მიზნით, შენდება 50 ჰესი... მე მოვუწოდებ მოსახლეობას, შექმენით წინააღმდეგობის კომიტეტები და არ დაუშვათ ამ სამუშაოების დაწყება. მე მოვუწოდებ მთელ ქვეყანას, ჩვენს საზოგადოებას, ყველა პოლიტიკურ პარტიას, არასამთავრობო ორგანიზაციებს, დავამთავროთ მთავარი ფაროსანას პარპაში მთელ ქვეყანაში“, - განაცხადა ნათელაშვილმა.