პოლიტიკა

დავით უსუფაშვილმა ,,ქართული ოცნების“ წევრებთან შეხვედრა გამართა

პარლამენტის მოქმედი თავმჯდომარე დავით უსუფაშვილი და ,,ქართული ოცნების“ წევრები - გია ვოლსკი, მანანა კობახიძე და გიორგი კახიანი ერთმანეთს დახურულ კარს მიღმა შეხვდნენ. თითქმის ორსაათიანი შეხვედრის შემდეგ, უსუფაშვილის კაბინეტიდან გამოსულმა გია ვოლსკიმ ტელეკომპანია ,,იმედს“ განუცხადა, რომ შეხვედრაზე მე-9 მოწვევის პარლამენტის პირველი სხდომის საორგანიზაციო საკითხებზე ისაუბრეს.

გია ვოლსკიმ დავით უსუფაშვილი შეაფასა, როგორც პარლამენტის წარმატებული მმართველი და მასთან სამომავლო თანამშრომლობა არ გამორიცხა.

,,ვნახოთ, გაზაფხულს დაველოდოთ. მე ვფიქრობ, რომ დავით უსუფაშვილმა მნიშვნელოვნად შეამცირა საქმიანობის დიაპაზონი, როდესაც პარტიულ ფორმატში გადავიდა. პარტიამაც ვერ გამოიჩინა თავი პოლიტიკური მიმართულებებით. ვნახოთ, გაზაფხულზე როგორ დავით უსუფაშვილს ვიხილავთ, რა საკითხები ექნება პრიორიტეტული, რა თემებს დააყენებს და მერე განვსაზღვრავთ. თანამშრომლობას გარკვეული ფორმატი, საკითხები და წინადადებები სჭირდება“, - განაცხადა გია ვოლსკიმ.

მარი ნამგალაძე