უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
დავით ზალკალიანი ბანგლადეშის საგარეო უწყების ხელმძღვანელს შეხვდა
საქართველოს საგარეო საქმეთა მინისტრმა დავით ზალკალიანმა შეხვედრა გამართა ბანგლადეშის საგარეო უწყების ხელმძღვანელთან აბულ ჰასან მაჰმუდ ალისთან. მინისტრებმა მომოიხილეს ორმხრივი ურთიერთობების საკითხები, დადებითად შეაფასეს საერთაშორისო ორგანიზაციების ფარგლებში საქართველოსა და ბანგლადეშის თანამშრომლობა. საუბარი შეეხო აგრეთვე გლობალურ და რეგიონალურ გამოწვევებს.
საქართველოს საგარეო საქმეთა მინისტრმა კოლეგასთან შეხვედრაზე ყურადღება გაამახვილა საქართველოს რეფორმების დღის წესრიგზე, იმ საერთაშორისო აღიარებაზე, რაც ქვეყანას აქვს დემოკრატიული და ეკონომიკური განვითარების მიმართულებით. აღინიშნა საქართველოს გეოპოლიტიკური მდებარეობის მნიშვნელობა აზიისა და ევროპის დამაკავშირებელ სატრანზიტო ხაზზე, მინისტრმა კოლეგას გააცნო ამ მიმართულებით მიმდინარე მსხვილი ინფრასტრუქტურული პროექტები. შეხვედრაზე მხარეებმა გამოთქვეს მზადყოფნა აქტიურად ითანამშრომლონ ორი ქვეყნის ბიზნეს წრეების დასაახლოებლად და ხალხთაშორისი კონტაქტების გასააქტიურებლად. დავით ზალკალიანმა კოლეგას ინფორმაცია მიაწოდა საქართველო-რუსეთის კონფლიქტის, ქვეყნის სამშვიდობო პოლიტიკის, ასევე ოკუპირებულ რეგიონებში შექმნილი მდგომარეობის შესახებ.
შეხვედრაზე დავით ზალკალიანმა ბანგლადეშის მხარეს წარუდგინა გაეროს მსოფლიო სურსათის ორგანიზაციის (FAO) პრეზიდენტობის საქართველოს კანდიდატი დავით კირვალიძე. საგარეო უწყების ხელმძღვანელმა ხაზი გაუსვა დავით კირვალიძის პროფესიონალიზმს და მრავალწლიან გამოცდილებაზე დაფუძნებული პროგრამული პრიორიტეტები, რაც ემსახურება ორგანიზაციის ეფექტურობის გაზრდას და მისი საქმიანობის კონცენტრირებას წევრი ქვეყნების საჭიროებებზე. დავით კირვალიძემ ბანგლადეშის მხარეს მოკლედ გააცნო მსოფლიო სურსათის ორგანიზაციის განვითარების და საქმიანობის ხედვები.
შეგახსენებთ, რომ საქართველოს საგარეო საქმეთა მინისტრი არგენტინას სტუმრობს, სადაც მონაწილეობს ბუენოს-აირესში მიმდინარე გაეროს მარალი დონის კონფერენციაში „სამხრეთ-სამხრეთის თანამშრომლობა“.