საზოგადოება

დავუშალოთ ადამიანებს პოლიტიკური დამოკიდებულება ქონდეთ? - გრიგოლ გოგელია

საზოგადოებრივი მაუწყებლის სამეურვეო საბჭოს თავმჯდომარემ, გრიგოლ გოგელიამ პარლამენტის განათლებისა და მეცნიერების კომიტეტს, მაუწყებლის 2016 წლის ანგარიში ჩააბარა.

გოგელიამ დაგეგმილ ცვლილებებზე ისაუბრა, მათ შორის გაერთიანებული „საინფორმაციო გამოშვების“ კონცეფციაზე.

ანგარიშის მოსმენის დასრულების შემდეგ, შეხვედრა კომენტარებისა და შენიშვნების რეჟიმში გადავიდა.
საზოგადობერივ მაუწყებელთან დაკავშირებით საკუთარი მოსაზრება „ევროპული საქართველოს“ წევრმა სერგო რატიანმა გამოთქვა.

მისი თქმით, მაუწყებლის დირექტორად არჩეული ვასილ მაღლაფერიძის მიმართ სერიოზული კითხვები არსებობს.

„საზოგადოებრივი მაუწყბელის გენერალურ დირექტორად არჩეული იყო ვასილ მაღლაფერიძე. ის მანამდე იყო ჯი-დი-ესის 20/30-ის პროდიუსერი. მის მიმართ სერიოზული კითხვები არსებობს პოლიტიკურ მიუკერძოებლობასთან დაკავშირებით. თქვენ როდესაც ირჩევდით მას, რა კრიტერიუმებით ხელმძღვანელობდით?“,-მიმართა კითხვით გოგელიას სერგო რატიანმა.

სამეურვეო საბჭოს თავმჯდომარის თქმით, ის ვერ დაუშლის ადამიანს ქონდეს საკუთარი პოლიტიკური დამოკიდებულება.

„ჩვენ ვხელმძღვანელობთ წესებით, ნორმებით და შიდა ნორმატიული აქტებით. ადამიანი, რომელსაც ჰქონდა თავისი მსოფმხედველობა, თუ დაარღვევს წესებს, კანონებს, ნორმატიულ აქტებს, მაშინ შეგვიძლია ვილაპარაკოთ. ის რომ რომელიღაც პოლიტიკურ ძალაზე, მაგალითად, იმ ადამიანს ქონდა თავისი პოლიტიკური დამოკიდებულება - ჩვენ რა ვქნათ, დავუშალოთ ადამიანებს პოლიტიკური დამოკიდებულება ქონდეთ?“,-განაცხადა გოგელიამ.

მონიკა დავლიანიძე