უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
ეკონომიკა
დემპინგი მიმართულია ადგილობრივი წარმოების განადგურებისკენ, რასაც შედეგად მოჰყვება ათასობით უმუშევარი ადამიანი - ლევან აღგომელაშვილი
დემპინგი მიმართულია ადგილობრივი წარმოების განადგურებისკენ, რასაც შედეგად მოჰყვება ათასობით უმუშევარი ადამიანი, - განაცხადა ,,ომეგა ჯგუფი - თამბაქოს“ გენერალურმა მენეჯერმა, ლევან აღდგომელაშვილმა „იბერია ტვ”-ის გადაცემაში ,,პრიორიტეტი“.
გადაცემა საქართველოსა და მსოფლიოში დემპინგური მულტინაციონალური კომპანიების ფუნქციონირების საფრთხეებსა და იმ მიზეზებზე საუბარს შეეხო, თუ რატომ არის დემპინგი ადგილობრივი ბიზნესისთვის დამღუპველი.
თემის განხილვისას, ლევან აღდგომელაშვილმა კონკრეტულად კომპანია ,,ბრითიშ ამერიკან ტობაკოს" (BAT) საქმიანობაზე გაამახვილა ყურადღება, რომლის წინააღმდეგაც თაღლითური სქემებით მუშაობის გამო დიდ ბრიტანეთში საქმეა აღძრული.
მისივე თქმით, კომპანიის კორუმპირებული გარიგებების საკითხით და თაღლითური საქმიანობით თავის დროზე გავლენიანი საერთაშორისო მედიასაშუალებები დაინტერესდენენ.
,,ამაზე ,,ბიბისი პანორამას“ დოკუმენტური ფილმი აქვს გაკეთებული, ამაზე წერდა ,,გარდიანი, ამაზე წერდა ,,დეილი მეილი“, ამაზე წერდა ,,ტელეგრაფი“, ამაზე წერდა ,,ფაინენშალ თაიმსი.“
როდესაც კომპანია ,,ბრითიშ ამერიკან ტობაკო“ ყიდულობდა ამერიკაში პირველ სიგარეტის კომპანიაში საკონტროლო პაკეტს, ამაზე ამერიკელი სენატორები გამოვიდნენ და თქვეს: ისეთი მასშტაბით არაა ჯერ შემოსული ,,ბრითიშ ამერიკან ტობაკო“ და სანამ შემოვა, ჯერ გავარკვიოთ, ვის ვუშვებთ და მივცეთ თუ არა ნებართვა ამხელა ტრანზაქციის განხორციელებაზეო. იქ ატეხეს განგაში და ინგლისმა დაიწყო ამაზე გამოძიება. პირველი, ვინც განგაშის ზარი შემოკრა, იყო თვითონ ,,ბრითიშ ამერიკან ტობაკოს“ თანამშრომელი. მან დადო ფაქტები და გამოძიებას წარუდგინა. გამოძიებამ კი ჩათვალა საჭიროდ, რომ თაღლითობის კვალიფიკაცია მიეცა საქმისთვის“, - განაცხადა აღდგომელაშვილმა.
,,ომეგა ჯგუფი - თამბაქოს“ მენეჯერმა აქვე ის ქვეყნები დაასახელა, რომლებშიც BAT თაღლითობაშია შემჩნეული.
,,ესენია: რუანდა, ზიმბავე, უგანდა, კონგო, ბურკინა ფასო, გაბონი, ტოგო, ნაბიკია, კენია და ასე შემდეგ. ახლა თქვენ გაავლეთ პარალელები“, - განაცხადა აღდგომელაშვილმა.
,,ომეგა ჯგუფი - თამბაქოს“ გენერალურმა მენეჯერმა ისიც განმარტა, თუ რაში მდგომარეობს თაღლითობა და რატომ წარმოადგენს საფრთხეს ადგილობრივი ბიზნესისთვის და შედეგად ქვეყნის ეკონომიკისთვის დემპინგური კომპანიების შემოსვლა.
მისი თქმით, მიზანმიმართული პოლიტიკით, რომელიც პროდუქციაზე ხელოვნურად, თვითღირებულაზე დაბალი ფასის დადებით გამოიხატება, იმპორტიორი კომპანიები ადგილობრივი წარმოების განადგურებას და მის ჩანაცვლებას ცდილობენ.
,,შემოაქვთ ხელოვნურად დაბალ ფასად, ვიდრე ადგილობრივ წარმოებას შეუძლია შესთავაზოს იგივე პროდუქტი მომხმარებელს და ამის შედეგად უკვე ადგილობრივი წარმოების არსებობა აზრს კარგავს“, - განაცხადა ლევან აღდგომელაშვილმა.