უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
დეპუტატებს სხდომების გაცდენის საპატიო მიზეზად „ოჯახური მდგომარეობის“ მითითება აღარ შეეძლებათ
პარლამენტის წევრებს პლენარული და კომიტეტის სხდომების გაცდენის საპატიო მიზეზად „ოჯახური მდგომარეობის“ მითითება აღარ შეეძლებათ.
პარლამენტის საპროცედურო საკითხთა კომიტეტის თავმჯდომარის, გიორგი კახიანის განცხადებით, თითქმის მომზადებულია კანონპროექტი, რომლის მიხედვით, სხდომის გაცდენის საპატიო მიზეზთა ჩამონათვალში „ოჯახური მდგომარეობა“ აღარ იქნება.
„როგორც მოგეხსენებათ, ოჯახური მდგომარეობის მოტივით სხდომაზე არდასწრება ერთ-ერთ საპატიო მიზეზად ითვლება და სტატისტიკა აჩვენებს, რომ ერთი წლის განმავლობაში ისეთი შემთხვევები მრავლად იყო, როცა ამ მიზეზით პარლამენტის ესა თუ ის წევრი სხდომებს არ ესწრება. ბუნებრივია, ასეთ დროს, გაცდენების ზედმეტი სიმრავლე კითხვებს აჩენს, ხომ არ ხდება ამ უფლებით მანიპულირება?! საპარლამენტო საქმიანობაში მონაწილეობის თვალსაზრისით, ცალკეულ დეპუტატებთან მიმართებაში კითხვები ჩნდება. მიკერძოებაში თუ არ ჩამითვლით, გეტყვით, რომ ეს ოპოზიციის წარმომადგენლებს ეხებათ“, – აცხადებს დეპუტატი პირველ არხთან საუბარში.
გიორგი კახიანი ფიქრობს, რომ რეგლამენტიდან მსგავსი ჩანაწერის ამოღება შედეგს გამოიღებს, თუმცა ამასთანავე კანონმდებელი ამბობს, რომ როცა დეპუტატი სხდომებს არ ესწრება და საპარლამენტო საქმიანობაში სათანადო მონაწილეობას არ იღებს, ეს მისი პირადი პრობლემა და პასუხისმგებლობის საკითხია უშუალოდ ამომრჩევლის წინაშე.
„დეპუტატის სხდომებზე დასწრება და მისი საპარლამენტო საქმიანობაში მონაწილეობა სავალდებულო რაიმე რეგულაციებით კი არ უნდა იყოს, არამედ პარლამენტის წევრს გათვითცნობიერებული უნდა ჰქონდეს, რომ საპარლამენტო საქმიანობაში სათანადო მონაწილეობას ყოველგვარი სანქციების და რეგულაციების გარეშე იღებდეს. არ გამოვრიცხავ, რომ ცვლილებებმა დასწრების სურათი შეცვალოს, მაგრამ პარლამენტის წევრი იმ პასუხისმგებლობას შინაგანად უნდა გრძნობდეს, რაც მოსახლეობისა და მისი ამომრჩევლის წინაშე გააჩნია“, – აღნიშნა კახიანმა.
რეგლამენტის მოქმედი რეგულაციებით, პარლამენტის წევრის მიერ პლენარული და კომიტეტის სხდომების გაცდენის საპატიო მიზეზად ავადმყოფობა, ოჯახური მდგომარეობა, სამსახურებრივი მივლინება ითვლება.