საზოგადოება

დღეიდან თბილისის 14 ქუჩაზე მიკროავტობუსები მხოლოდ მოსაცდელებზე გაჩერდებიან

დღეიდან დედაქალაქის 14 ქუჩაზე მიკროავტობუსები მხოლოდ მოსაცდელებზე გაჩერდებიან.

თბილისის მერის კახა კალაძის თქმით, ამ დრომდე მოქმედი გაჩერების წესი ავტოსაგზაო შემთხვევების რისკს მნიშვნელოვნად ზრდიდა და თუ პროექტი განხორციელდება იგი სამომავლოდ მთელი თბილისის მასშტაბით ამოქმედდება.

მერია ამ რეგულაციით თბილისში საცობების პრობლემის მოწესრიგებას გეგმავს.

,,მათ ევალებათ, რომ მხოლოდ შერჩეულ ამ 14 ქუჩაზე გააჩერონ გაჩერებაზე. არ დამორჩილების შემთხვევაში მოხდება მათი დაჯარიმება“-აცხადებს თბილისის მერიის ტრანსპორტის საქალაქო სამსახურის უფროსი მამუკა მუმლაძე.

დედაქალაქის მერიის საპილოტე პროექტი შემდეგ ქუჩებს შეეხება: ვაჟა-ფშაველას, შოთა რუსთაველის, ალექსანდრე ყაზბეგის, დავით აღმაშენებლის, ილია ჭავჭავაძის, მარშალ გელოვანისა და პეკინის გამზირები, მერაბ კოსტავას, პეტრე მელიქიშვილის, ვახტანგ გორგასლის, ჟიული შარტავასა და ჯორჯ ბუშის ქუჩები, ასევე, დავით აღმაშენებლის ხეივანი და კახეთის გზატკეცილი.

ნინო ექვთიმიშვილი