უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
პოლიტიკა
დღეიდან თბილისში რუსული ვიზების ცენტრი გაიხსნება, რომელიც საქართველოს მოქალაქეებისთვის ვიზის მიღების პროცედურას დააჩქარებს
17 აგვისტოს თბილისში რუსული ვიზების ცენტრი გაიხსნება, რომლის მიზანი საქართველოს მოქალაქეებისთვის დოკუმენტების გაფორმების პროცედურის დაჩქარებაა. ამის შესახებ რუსული „Известия“ საქართველოში შვეიცარიის საელჩოს რუსეთის ფედერაციის ინტერესების სექციის წარმომადგენელთა დაყრდნობით წერს.
გაზეთის ცნობით, ცენტრი მოქალაქეებისგან ვიზის გასაფორმებლად საჭირო დოკუმენტებს მიიღებს, შეაგროვებს და სექციაში ჩააბარებს, სადაც უკვე მიიღებენ ვიზის გაცემის გადაწყვეტილებას. ცენტრის გახსნით საქართველოს მოქალაქეები ვიზის მიღებას შუამავლების გარეშე შეძლებენ.
წყაროების ინფორმაციით, აღნიშნული ცენტრის გახსნა, ერთი მხრივ, იმაზე მიუთითებს, რომ ჯერჯერობით მოსკოვი არ აპირებს ვიზების გაუქმებას საქართველოს მოქალაქეებისთვის, ხოლო მეორე მხრივ, რუსული მხარე მიისწრაფვის ვიზების გაცემის პროცედურის გამარტივებისკენ.
რუსული გამოცემის ცნობით, აღნიშნული ცენტრის ამოქმედების შემდეგ საქართველოს მოქალაქეებს რუსეთის ინტერესების სექციასთან რიგში დგომა აღარ მოუწევთ, ასევე ის დოკუმენტების გაცემასთან დაკავშირებული თაღლითობის რისკს შეამცირებს.