უკან
პოლიტიკა
24 მაისი, 2018 11:05
დღეს ზურაბ აბაშიძე გრიგორი კარასინს შეხვდება
დღეს პრაღაში საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე რუსეთის საგარეო საქმეთა მინისტრის მოადგილეს გრიგორი კარასინს შეხვდება.
შეხვედრა ოკუპირებულ ტერიტორიაზე არჩილ ტატუნაშვილის მკვლელობის შემდეგ პირველად იმართება. აბაშიძის თქმით, ის ამ საკითხზე აუცილებლად გაამახვილებს ყურადღებას.
უცნობია, იმსჯელებენ თუ არა მხარეები რუსეთის ფედერაციისა და საქართველოს პრეზიდენტების შესაძლო შეხვედრის მომზადების შესახებ. წინა კვირას კარასინმა ასეთი შესაძლებლობა არ გამორიცხა, თუმცა აღნიშნა, რომ ამას სათანადო მომზადება სჭირდება.
ქართულ-რუსული დიალოგის ფარგლებში პრაღის ფორმატი 2012 წლიდან არსებობს.