საზოგადოება

დღეს,„აგარის შაქრის“ ქარხნის ყოფილი თანამშრომლები აქციას გამართავენ

„აგარის შაქრის“ ქარხნის ყოფილი თანამშრომლები დღეს, 12:00 საათზე, აგარაში, აქციას გამართავენ. პროტესტის მონაწილეები ხელისუფლებას დახმარებას სთხოვენ.

აქციის მონაწილეები თბილისში გადმონაცვლებასა და მთავრობის ადმინისტრაციასთან შეკრებასაც გეგმავენ.

ყოფილი თანამშრომლების მხარდასაჭერად აგარაში საქართველოს პროფკავშირების წევრებიც ჩავლენ.

პროფკავშირების წარმომადგენლის, გიორგი დიასამიძის თქმით, აგარელებისთვისდასაქმების ერთადერთისაშუალება შაქრის საწარმო იყო.

„აგარის შაქრის“ ქარხნის მუშები უკვე 47 დღეა 24-საათიან პროტესტის რეჟიმში არიან. ამ დროის განმავლობაში ხელისუფლების არცერთი წარმომადგენელი არ ჩასულა და არ განუმარტავთ მათთვის არაფერი. მათ ვერ გამონახეს ერთი საათი დრო. ერთადერთი მოთხოვნაა, ამუშავდეს აგარის ქარხანა. მოსახლეობას აქვს კითხვა, როგორ იცხოვრონ ქარხნის დახურვის შემდეგ, რადგან მსგავსი ქარხანა საქართველოში სხვა არ არსებობს და აგარაში ეს დასაქმების ერთადერთი ადგილი იყო“, – აცხადებს გიორგი დიასამიძე.

კომპანიაში 481 ადამიანი იყო დასაქმებული, მათ შორის, უმრავლესობა ადგილობრივი. ქარხანამ მუშაობა შვიდი თვის წინ შეაჩერა.კომპანიის გენერალური დირექტორის განცხადებით, ქარხნის დახურვის მიზეზი იმპორტირებულ პროდუქციასთან კონკურენცია გახდა.

ცირა გურგენიძე