უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
გიორგი გახარია - არჩევანი, რომელსაც ჩვენ გავაკეთებთ 31 ოქტომბერს, განსაზღვრავს წლების განმავლობაში საქართველოს შემდგომ დემოკრატიულ განვითარებას
ჩვენ აუცილებლად უნდა გავაგრძელოთ ქვეყნის აღმშენებლობა და ყველა უნდა შევეგუოთ, იმ გამოწვევების პირობებშიც, როგორიც არის პანდემია, ვირუსი, როდესაც ჩვენ კამპანიის ჩატარებაც გვიწევს პირბადეებით, ჩვენ უნდა ვხვდებოდეთ და გავიაზროთ, რომ არ უნდა გავჩერდეთ არც ერთი დღე, როგორც ბოლო ერთი წლის განმავლობაში არც ერთი სისტემური ინფრასტრუქტურული პროექტი ქვეყანაში არ გაჩერებულა, – ამის შესახებ საქართველოს პრემიერ-მინისტრმა, გიორგი გახარიამ „ქართული ოცნება – დემოკრატიული საქართველოს“ საბურთალოს მაჟორიტარი დეპუტატობის კანდიდატის, დავით სერგეენკოს წარდგენაზე განაცხადა.
როგორც გიორგი გახარიამ აღნიშნა, ეს ყველაფერი უნდა გაგრძელდეს და სწორედ ეს არის მთავრობის პასუხისმგებლობა მომავალი თაობების წინაშე.
„პირველ რიგში, მინდა გითხრათ, რომ უაღრესად დიდი პატივია თქვენთან ერთად ყოფნა, განსაკუთრებით საბურთალოზე, ჩემს მშობლიურ უბანში, სადაც დავიბადე, გავიზარდე, სადაც სკოლა დავამთავრე. რა თქმა უნდა, ეს ძალიან ემოციურია, თუმცა ჩვენ, ემოციების მიღმა, ბევრი საქმე გვაქვს გასაკეთებელი. ჩვენ აუცილებლად უნდა გავაგრძელოთ ქვეყნის აღმშენებლობა და ყველა უნდა შევეგუოთ, იმ გამოწვევების პირობებშიც, როგორიც არის პანდემია, ვირუსი, როდესაც ჩვენ კამპანიის ჩატარებაც გვიწევს პირბადეებით, ჩვენ უნდა ვხვდებოდეთ და გავიაზროთ, რომ არ უნდა გავჩერდეთ არც ერთი დღე, როგორც ბოლო ერთი წლის განმავლობაში არც ერთი სისტემური ინფრასტრუქტურული პროექტი ქვეყანაში არ გაჩერებულა, ისე, როგორც საბურთალოზე და თბილისშიც არც ერთი ინფრასტრუქტურული პროექტი არ გაჩერებულა. ჩვენ ასე უნდა გავაგრძელოთ, ეს არის ჩვენი პასუხისმგებლობა ჩვენი მომავალი თაობების წინაშე. ეს არის ჩვენი ზრუნვა ერთმანეთის წინაშე, როდესაც ჩვენ ვუფრთხილდებით ჩვენს მოხუცებს, როდესაც ჩვენ ვატარებთ პირბადეს, ვიცავთ ელემენტარულ წესებს“, – განაცხადა გიორგი გახარიამ.
პრემიერმა პანდემიაზე საუბრისას, მადლობა გადაუხადა თითოეულ ექიმს, რომელიც დღეს წინა ხაზზეა, ისევე, როგორც თითოეულ პოლიციელს, რომელიც ქვეყნის უსაფრთხოებას იცავს და როცა საჭირო იყო ეხმარებოდა ექიმებს, ასევე მადლობა გადაუხადა ჯარისკაცებს, რომლებიც ჩვენი ქვეყნის მშვიდობას იცავენ და ასევე ეხმარებოდნენ ექიმებს.
„აქ ბრძანდებიან ჩვენი ექიმები, ღვაწლმოსილი ადამიანები, თითოეული მათი სიტყვა ჩვენთვის ყოველთვის იყო სახელმძღვანელო და არ მქონია ამდენ ხალხში შესაძლებლობა, რომ ამ ადამიანებისთვის მადლობა მეთქვა და მათი სახით მინდა თითოეულ ექიმს, რომელიც დღეს წინა ხაზზეა და იბრძვის ჩვენი მოქალაქეების ჯანმრთელობის და სიცოცხლისთვის, მათ დიდი მადლობა გადავუხადო, ისევე, როგორც თითოეულ პოლიციელს, რომელიც ჩვენი ქვეყნის უსაფრთხოებას იცავს და როცა საჭირო იყო ეხმარებოდა ექიმებს, ისევე, როგორც ჯარისკაცებს, რომლებიც ჩვენი ქვეყნის მშვიდობას იცავენ და ასევე ეხმარებოდნენ ექიმებს, ამ ხალხსაც მინდა დიდი მადლობა გადავუხადო“, – აღნიშნა მთავრობის მეთაურმა.
გიორგი გახარიას თქმით, მომავალი ოთხი წლის განმავლობაში საქართველოს ინფრასტრუქტურაში ინვესტირებული იქნება 20 მილიარდ ლარზე მეტი და ეს ყველაფერი კეთდება, რათა გზები, სკოლები, საავადმყოფოები იყოს ისეთივე თანამედროვე, როგორც ევროპული.
„ჩვენი ერთადერთი გამოსავალი არის ერთმანეთზე ზრუნვა და რაციონალური, გონივრული პოლიტიკით ქვეყნის აღმშენებლობის გაგრძელება. სწორედ ამიტომ გვჭირდება ჩვენ გამარჯვება. ყველას კარგად უნდა გვესმოდეს, რომ ის სისტემური პროექტები, რომლებსაც ვახორციელებთ ინფრასტრუქტურაში, ეს ყველაფერი საბოლოო ჯამში კეთდება, რათა განათლების სისტემა იყოს ევროპული, ოთხი წლის შემდგომ ჩვენი ქვეყნის სტანდარტები დავუახლოვოთ მაქსიმალურს, ევროპულს, როდესაც გვექნება სრული უფლება, რათა სრულფასოვან წევრობაზე გავაკეთოთ განაცხადი 2024 წელს. ეს არის დამოუკიდებელი საქართველოს ყველაზე დიდი ოცნება, რომელიც ჩვენ ერთად უნდა განვახორციელოთ“, – აღნიშნა პრემიერმა.
მთავრობის მეთაურმა ხაზი გაუსვა, რომ 31 ოქტომბრის არჩევანი განსაზღვრავს წლების განმავლობაში საქართველოს შემდგომ დემოკრატიულ განვითარებას.
„ყველას კარგად უნდა გვესმოდეს, რომ უნდა დავიცვათ ელემენტარული წესები მაგრამ, რაც მთავარია, ჩვენ უნდა გვესმოდეს, რომ პანდემია გაივლის, ეკონომიკურ კრიზისსაც დავძლევთ, მაგრამ არჩევანს, რომელსაც ჩვენ გავაკეთებთ 31 ოქტომბერს, ეს არჩევანი განსაზღვრავს წლების განმავლობაში საქართველოს შემდგომ დემოკრატიულ განვითარებას“, – განაცხადა გიორგი გახარიამ.