უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
კომენტარი
ფიზიკურადაც და ლაბორატორიულადაც ბევრად უკეთესია სააკაშვილის კლინიკური მდგომარეობა - ექიმი ნინო შარაშენიძე
კონსილიუმის წევრის, ექიმის ნინო შარაშენიძის განცხადებით, საქართველოს მესამე პრეზიდენტის, მიხეილ სააკაშვილის ზოგადი თერაპიული სტატუსი დინამიკაში გაუმჯობესდა.
„პაციენტი თავს გრძნობს მხნედ და აქტიურია. იღებს საკვებს მკაცრად განსაზღვრული კალორაჟის მიხედვით, რასაც აწესებს ენდოკრინოლოგი და რაც წერია დაავადებათა მართვის საერთაშორისო გაიდლაინში. სანდრო ცისკარიძემ შეაფასა მისი ნევროლოგიური სტატუსი და ჩემი აზრით, უკეთესი მდგომარეობა იყო. კვების პარალელურად, რეგულარულად ხორციელდება ლაბორატორიული მონიტორინგის საფუძველზე მისაღები მედიკამენტების დოზირების კორექცია და ასევე, მათი ჩამონათვალიც კორეგირდება. ჩვენთან ერთად დღეს იყო წარმოდგენილი არამხოლოდ ნევროლოგი და ენდოკრინოლოგი, არამედ იყო განსტროენტეროლოგი, რეანიმატოლოგი, როგორც ჩვენი კონსილიუმის წევრი, ასევე რესპუბლიკური საავადმყოფოდან გულიკო ქილიფთარი. ეტაპობრივად აუცილებლად მოგაწვდით ინფორმაციას. ფიზიკურად გაცილებით უფრო აქტიურია. დღეს იყო პირველი მცდელობა მისი გატარების. კრიზისულ დღეებს რაც შეეხება, ეტაპობრივად, ყოველდღიურად უკეთესად გამოიყურება, ფიზიკურადაც და ლაბორატორიულადაც. ბევრად უკეთესია მისი კლინიკური მდგომარეობა,“- განაცხადა ნინო შარაშენიძემ.