უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
საზოგადოება
თებერვალში საქართველოში ფულადი გზავნილების მოცულობა 13.7 პროცენტით გაიზარდა - ეროვნული ბანკი
ეროვნული ბანკის ინფორმაციით, 2022 წლის თებერვალში ქვეყანაში შემოსული ფულადი გზავნილების ნაკადების მოცულობამ 183.4 მლნ აშშ დოლარი, ანუ 551.7 მლნ ლარი შეადგინა, რაც 13.7 პროცენტით, ანუ 22.0 მლნ აშშ დოლარით მეტია 2021 წლის თებერვლის ანალოგიურ მაჩვენებელზე.
ცენტრალური ბანკის ცნობით, უცხოეთიდან საქართველოში ფულადი გზავნილების 93.1 პროცენტი იმ 19 უმსხვილეს პარტნიორ ქვეყანაზე მოდის, საიდანაც გზავნილების მოცულობა თებერვალში თითოეულზე ერთ მლნ აშშ დოლარს აღემატებოდა. იმავე 19 ქვეყანაზე გასული წლის თებერვალში მთელი ფულადი გზავნილების 94.6 პროცენტი მოდიოდა.
„გზავნილების სტატისტიკის მიხედვით, ყველაზე მეტი თანხა იტალიიდან გადმოირიცხა – 32.96 მლნ აშშ დოლარი. მეორე ადგილზეა რუსეთის ფედერაცია 21.94 მლნ აშშ დოლარით. მესამე ადგილს იკავებს აშშ 21.10 მლნ აშშ დოლარით, მეოთხეზეა საბერძნეთი – 15.47 მლნ აშშ დოლარით, ხოლო მეხუთეზე ისრაელი – 14.10 მლნ აშშ დოლარით“, – აღნიშნულია ინფორმაციაში.
ამასთან, ეროვნული ბანკის ცნობით, 2022 წლის თებერვალში საქართველოდან საზღვარგარეთ 26.7 მლნ აშშ დოლარი, ანუ 80.4 მლნ ლარი გადაიგზავნა, რაც 2021 წლის თებერვლის ანალოგიურ მაჩვენებელთან შედარებით 27.5 პროცენტით მეტია.