უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
დისკუსია პრეზიდენტის სასახლეზე არის მეასეხარისხოვანი და ასახავს იმ ფაქტს, რომ დღეს „ქართულ ოცნებას“ არ ესმის ხალხის გაჭირვება - დავით ბაქრაძე
„ევროპული საქართველოს“ პრეზიდენტობის კანდიდატი დავით ბაქრაძე პრეზიდენტად არჩევის შემთხვევაში პრეზიდენტის სასახლეში შესვლას აპირებს.
ბაქრაძემ აღნიშნა, რომ დებატები პრეზიდენტის ადმინისტრაციასთან დაკავშირებით მეათეხარისხოვანია, მთავარი ამოცანა კი ქმედითი პრეზიდენტის არჩევაა.
„არ ვაპირებ, ვიყო კაბინეტის პრეზიდენტი. პატივს ვცემ სახელმწიფო ინსტიტუციებს. პრეზიდენტი არის სახელმწიფო ინსტიტუცია, პრეზიდენტის სასახლე არის სახელმწიფოს ატრიბუტი და აქედან გამომდინარე, არჩევის შემთხვევაში, რა თქმა უნდა, მე შევალ პრეზიდენტის სასახლეში, მაგრამ ხაზს ვუსვამ, არ ვაპირებ, ვიყო კაბინეტის პრეზიდენტი, ადამიანი, რომელიც შენობაში ან შენობის კედლებში იქნება გამოკეტილი“, – განაცხადა ბაქრაძემ.
მისი თქმით, პრეზიდენტად არჩევის შემთხვევაში, მისი ამოცანა მუდმივად ხალხში ყოფნა იქნება.
„მთელი ეს დებატი და დისკუსია კაბინეტის თაობაზე არის მეათეხარისხოვანი, მეასეხარისხოვანი და ასახავს იმ ფაქტს, რომ დღეს „ქართულ ოცნებას“ არ ესმის ხალხის გაჭირვება. რა დროს კაბინეტზე დისკუსიაა, როდესაც ქვეყანაში არსებობს უამრავი პრობლემა. სინამდვილეში, უნდა ვისაუბროთ იმაზე, რომ ავირჩიოთ ქმედითი პრეზიდენტი, რომელიც არ გამოიკეტება ერთ შენობაში, რომელიც იქნება ხალხთან და მათ პრობლემების მოგვარებაში დაეხმარება“, – განაცხადა ბაქრაძემ.
მისი თქმით, მთავარი სწორედ ესაა და არა – რამდენი კვადრატული მეტრი ფართი უნდა ეკავოს პრეზიდენტს, პრემიერს ან თანამდებობის სხვა პირებს.