უკან

უახლესი ამბები

დღის კალენდარი

ანონსები

არქივი

პოლიტიკა

19 ივლისი, 2018 16:00
font-size

ჯერ კიდევ არსებობს რესურსი, დავით ჭიჭინაძე „ქართული ოცნების“ გუნდის წევრად დარჩეს - გედევან ფოფხაძე

უმრავლესობის დეპუტატი გედევან ფოფხაძე „ქართული ოცნების“ დატოვებას არ აპირებს და აცხადებს, რომ ეცდება, თანაგუნდელები დაარწმუნოს, დეპუტატ დავით ჭიჭინაძის პარტიიდან გარიცხვის გადაწყვეტილება შეცვალონ.

როგორც ფოფხაძემ ჟურნალისტებს განუცხადა, გუშინ განცხადებები ემოციურ ფონზე კეთდებოდა.

„გუშინ ემოციურ ფონზე კეთდებოდა განცხადებები და მინდა, საზოგადოებამაც და თანაგუნდელებმაც გააზრებულად და მშვიდ ვითარებაში იმსჯელონ ამ საკითხებზე და მშვიდი გადაწყვეტილებები მივიღოთ. პოზიცია, რაც პარტიის პოლიტსაბჭოს ბიურომ დააფიქსირა, არ არის ბოლო ინსტანცია, რადგან გადაწყვეტილება შეიძლება, დავით ჭიჭინაძემ პოლიტსაბჭოში სადაო გახადოს და მაშინ პარტიის თავმჯდომარესაც მიეცემა საშუალება, ამ პროცესში მონაწილეობა მიიღოს“, – განაცხადა გედევან ფოფხაძემ.

მისივე თქმით, თუ გუნდში არის განსხვავებული აზრები, პოზიციები გუნდის შიგნითვე უნდა შეჯერდეს.

დეპუტატის განცხადებით, მისი გუშინდელი განცხადებები გადაჭარბებული და ემოციური იყო, რისთვისაც ბოდიშს იხდის.

„ხაზგასმით ვამბობ, რომ გუშინდელი ჩემი განცხადებები იყო გადაჭარბებული და ემოციური. ამისთვის ბოდიშს ვუხდი ჩემს კოლეგებს და მინდა, მათაც გაითვალისწინონ ეს. საერთოდ, ბოდიშების მოხდა პრობლემად არ მიმაჩნია, მაგრამ ამას ჩემი მხრიდან ქრონიკული ხასიათი არასდროს ექნება. ვაკეთებ, რადგან მინდა, ჩემმა კოლეგებმაც გაითვალისწინონ, რომ გვჭირდება დიალოგი და ერთმანეთს გული არ უნდა ვატკინოთ და საერთო პოზიციები უნდა გავითვალისწინოთ“, – განაცხადა დეპუტატმა.

ამასთან, ის მიიჩნევს, რომ ჯერ კიდევ არსებობს რესურსი, დავით ჭიჭინაძე „ქართული ოცნების“ გუნდის წევრად დარჩეს.

„თუ ვინმეს რამე წყენა აქვს კერძო საუბრებზე და რაღაც განცხადებების გამო, ეს უნდა შეჯერდეს. ჩვენი ამოცანა არის საპარლამენტო რესპუბლიკის შექმნა, რაც ნიშნავს, რომ საპარლამენტო უმრავლესობაში არსებული აზრთა სხვადასხვაობა ქვეყნის ცხოვრების პოლიტიკური გენერატორი უნდა იყოს. ამიტომ, პოზიციები უნდა შეჯერდეს, დიალოგი გაგრძელდეს და არ მგონია, რომ ეს პროცესი დავით ჭიჭინაძის გარეშე უნდა წარიმართოს“, – აცხადებს გედევან ფოფხაძე.

კომკავშირთან დაკავშირებულ კითხვაზე კი, გედევან ფოფხაძემ კიდევ ერთხელ განმარტა, რომ მან გუშინ ემოციური განცხადება გააკეთა და ეწყინა, რომ პარტიის გადაწყვეტილება ჟურნალისტებისგან გაიგო.

„ეს იყო ემოციური რეაქცია ინფორმაციაზე, რომელიც მივიღე. ეს ხომ ისედაც უტრირებული შეფასებაა, რაზეა საუბარი, ხშირად გამომითქვამს განსხვავებული აზრი, გუნდის შიგნითაც და გუნდის გარეთაც მქონია განსხვავებული პოზიცია გარკვეულ საკითხებთან დაკავშირებით. ეს არასდროს გამხდარა ჩემს მიმართ რამე დისკომფორტის საფუძველი, თუნდაც ბოლო მოვლენებიც გახსოვთ. ვფიქრობ, „ქართულ ოცნებას“ აქვს რესურსი, პოლიტიკური დიალოგის ფორმატში გააგრძელოს ერთიან გუნდად მუშაობა, საუბარი, ურთიერთობა. ვინც ამას ხელს შეუშლის, მოგვთხოვონ, არ არის პრობლემა. ეს ფორმატი უნდა არსებობდეს რეალურად. მიმაჩნია, რომ ბიძინა ივანიშვილის პარტიაში დაბრუნებით ეს რესურსი გაგვეზარდა და მინდა, ამ შემთხვევაშიც გამოჩნდეს“, – ამბობს გედევან ფოფხაძე.

რაც შეეხება იმას, მოსალოდნელია თუ არა, რომ ფოფხაძემ პარტია „ქართული ოცნება“ დატოვოს ან პარტიამ მიიღოს მის მიერ გუნდის დატოვების გადაწყვეტილება, დეპუტატი ამბობს, რომ შესაძლოა, ეს საკითხი პარტიამ დააყენოს.

„შეიძლება მათ დააყენონ ეს საკითხი, მაგრამ მესმის მათი. ამიტომ მათ წყენინებას არ ვაპირებდი, ბოდიშს ვუხდი, მაგრამ იმედია, ისინიც გაიგებენ, მე ადამიანურად მეწყინა, ინფორმაცია საკითხის ასე გადაწყვეტის თაობაზე გავიგე ჟურნალისტებისგან და უმრავლესობის წევრთან მიმართებაში როცა საკითხი წყდებოდა, არ გვქონდა საშუალება რამე ფორმით აზრი გამოგვეთქვა“, – განაცხადა ფოფხაძემ.

`სტრატეგია აღმაშენებლის` განცხადება არის მცდარი და ემსახურება მოსახლეობის დეზინფორმირებას კახა ლაბუჩიძე

4 აგვისტო, 2020 , 11:27

ისნის რაიონის გამგებელი კახა ლაბუჩიძე პოლიტიკური პლატფორმის "სტრატეგია აღმაშენებლის" წევრის ანა კობახიძის განცხადებას ეხმაურება. როგორც კახა ლაბუჩიძე სოციალურ ქსელში წერს, ანა კობახიძის განცხადება მცდარია და მოსახლეობის

დაიწყო ადმინისტრაციული რესურსის გამოყენება სამთავრობო კანდიდატის სასარგებლოდ! - ანა კობახიძე

4 აგვისტო, 2020 , 11:10

პოლიტიკური პლატფორმა „სტრატეგია აღმაშენებლის" პოლიტსაბჭოს წევრის, პარტიის საარჩევნო საკითხების მიმართულების ხელმძღვანელის ანა კობახიძის ინფორმაციით, მმართველმა გუნდმა სამთავრობო კანდიდატების სასარგებლოდ ადმინისტრაც

სააკაშვილი მოწყვეტილია ობიექტურ რეალობას - ნინო ბურჯანაძე

3 აგვისტო, 2020 , 16:20

„ვფიქრობ, სააკაშვილი მოწყვეტილია ობიექტურ რეალობას და მას არ ესმის, რომ როდესაც ის ხალხთან კოალიციაზე ლაპარაკობს საზოგადოების ძალიან დიდ ნაწილს მასთან კოალიცია არ უნდა,” - ასე ეხმაურება ,,ერთიანი საქართველოს"

„ევროპულმა საქართველომ“ მაჟორიტარობის კანდიდატები 16 საარჩევნო ოლქში წარადგინა

3 აგვისტო, 2020 , 15:30

„ევროპულმა საქართველომ“ 2020 წლის საპარლამენტო არჩევნებზე მაჟორიტარი დეპუტატობის კანდიდატები წარადგინა. 30 მაჟორიტარული ოლქიდან პარტიამ კანდიდატები 16 ოლქში დაასახელა. რეგიონების მასშტაბით, „ევროპული სა

2019 წელს პარლამენტის 21 დეპუტატს სიტყვით გამოსვლის უფლებით არ უსარგებლია

3 აგვისტო, 2020 , 13:20

პარლამენტის მონიტორინგის ფარგლებში, „საერთაშორისო გამჭვირვალობა-საქართველომ” 2019 წლის პირველი იანვრიდან 2019 წლის 31 დეკემბრამდე პერიოდში საკანონმდებლო ორგანოს საქმიანობა შეაფასა.  როგორც ორგანიზაც

არ ვიქნები პარლამენტის წევრი და ასევე, არ დავიკავებ რომელიმე თანამდებობას მომავალ მთავრობაში - ვანო მერაბიშვილი

3 აგვისტო, 2020 , 11:30

არ ვიქნები პარლამენტის წევრი და ასევე, არ დავიკავებ რომელიმე თანამდებობას მომავალ მთავრობაში, - ამის შესახებ საქართველოს ყოფილი პრემიერი და შინაგან საქმეთა ყოფილი მინისტრი ვანო მერაბიშვილი სოციალურ ქსელში წერს. „ახ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე