უკან
პოლიტიკა
3 ნოემბერი, 2016 13:55
ჯერ უნდა მივხედოთ კონსტიტუციას და მხოლოდ ამის შემდეგ ვიმსჯელოთ მნიშვნელოვან საკითხებზე - გუგული მაღრაძე
,,ქართული ოცნების“ წევრის, გუგული მაღრაძის განცხადებით, კონსტიტუცია უნდა ასახავდეს ქვეყნის შიგნით არსებულ რეალობას.
როგორც მაღრაძემ დღეს გამართულ პრესკონფერენციაზე აღნიშნა, სანამ ისეთი აქტუალურ საკითხებზე მსჯელობა დაიწყება, როგორიც მაგალითად, პრეზიდენტის არჩევის წესის ცვლილებაა, მანამდე კონსტიტუცია უნდა გადაისინჯოს.
,,მიმაჩნია, რომ პრეზიდენტის არჩევის თუ სხვა საკითხები არ უნდა იხილებოდეს ასე ამოგლეჯილად, რადგან საქართველოს კონსტიტუცია წინა ხელისუფლებისგან გადმოგვეცა დასახვეწი და როგორც ამბობენ, თავის თავზე მორგებულია, ამიტომ ჯერ უნდა მივხედოთ კონსტიტუციას, შევიტანოთ გარკვეული სახის ცვლილებები და მხოლოდ ამის შემდეგ ვიმსჯელოთ მნიშვნელოვან საკითხებზე“, - განაცხდა მაღრაძემ.
მარი ნამგალაძე