უკან
პოლიტიკა
12 იანვარი, 2017 18:35
ჯონ კერიმ ძალიან მაღალი შეფასება მისცა საქართველოს პრემიერ-მინისტრის და მთავრობის საქმიანობას - დავით ზალკალიანი
საქართველოს საგარეო საქმეთა მინისტრის მოადგილემ, დავით ზალკალიანმა საქართველოში აშშ-ს სახელმწიფო მდივნის, ჯონ კერის ხანმოკლე ვიზიტის დეტალებზე კომენტარი გააკეთა.
,,მას პერსონალურად მადლობა გადავუხადე იმ მხარდაჭერისათვის, რომელიც მან ბოლო წლებში გამოიჩინა საქართველოსთან მიმართებაში. აღსანიშნა, რომ სახელმწიფო მდივანმა ძალიან მაღალი შეფასება მისცა საქართველოს პრემიერ-მინისტრის და მთავრობის საქმიანობას ქვეყანაში ეკონომიკური, პოლიტიკური და დემოკრატიული რეფორმების გატარების თვალსაზრისით. აღნიშნა, რომ ამერიკის შეერთებული შტატები უჭერს და მომავალშიც დაუჭერს მხარს საქართველოს სუვერენიტეტს და ტერიტორიულ მთლიანობას’’, - განუცხადა ჟურნალისტებს დავით ზალკალიანმა.
ნინო ექვთიმიშვილი