კომენტარი

დოდო გუგეშაშვილის ჯანმრთელობის მდგომარეობა მნიშვნელოვნად გაუმჯობესდა

ექიმ ნიკოლოზ ქარცივაძის განცხადებით, დოდო გუგეშაშვილის ჯანმრთელობის მდგომარეობა მნიშვნელოვნად გაუმჯობესდა. შვილის სამძიმარზე გადაყვანისას, იგი ექიმების მეთვალყურეობის ქვეშ იქნება.

ექიმისვე თქმით, გადაყვანის რეკომენდაცია მათგან არ ყოფილა, ეს ოჯახის სურვილი იყო, თუმცა ისინი ყველა სახის რისკისთვის მზადყოფნას გამოთქვამენ.

„ხაზგასმით მინდა აღვნიშნო, რომ ყველა გადაწყვეტილება დღეს რაც ამ პაციენტთან დაკავშირებით და ეს სხვებსაც ეხება, იყო მიღებული, გამომდინარეობს პაციენტის მდგომარეობიდან. პრიორიტეტულია მისი ჯანმრთელობის მდგომარეობა, ამ დღეების განმავლობაში ჯანმრთელობის მდგომარეობა მნიშვნელოვნად გაუმჯობესებულია, გონზეა, კონტაქტურია და ადეკვატურია. სასიცოცხლოდ მნიშვნელოვანი ფუნქციები ამჟამად სტაბილურია, ის დელიკატური საკითხი და ემოციური ფონი, რაც შესაძლოა დაღუპული შვილის განხილვის ამბავს ახლდეს, ჩვენ ამისთვის მაქსიმალურად მომზადებული ვართ, კომუნიკაცია გვაქვს ოჯახთან, მეგობრებთან და სამართალდამცავ სტრუქტურებთან, ყველანაირად მზად ვართ, რომ ჯანმრთელობის საფრთხე არ შეიქმნას.“

ცირა გურგენიძე