არქივი
პოლიტიკა
დროა, ხელისუფლებამ აიღოს პოლიტიკური პასუხისმგებლობა და დროულად დადგეს პარლამენტის თავმჯდომარის იმპიჩმენტის საკითხი - ნატო ჩხეიძე
ხელისუფლებას სურს ქვეყნის დაქუცმაცება და კვლავ რუსეთის ქვეშ ყოფნა, როგორც ეს იყო 70 წლის განმავლობაში. როგორც ჩანს, მათთვის მზე ისევ ჩრდილოეთიდან ამოდის, - ამის შესახებ ჟურნალისტებს პარლამენტის დამოუკიდებელმა დეპუტატმა, ნატო ჩხეიძემ განუცხადა.
ნატო ჩხეიძის განცხადებით, ხელისუფლებამ უნდა აიღოს პასუხისმგებლობა და უნდა მოხდეს პარლამენტის თავმჯდომარის იმპიჩმენტის საკითხის დროული დაყენება.
„ეს არის გაცხადებული პოლიტიკა, რომ ხელისუფლებას სურს ქვეყნის დაქუცმაცება და კვლავ რუსეთის ქვეშ ყოფნა, როგორც ეს იყო 70 წლის განმავლობაში. როგორც ჩანს, მათთვის მზე ისევ ჩრდილოეთიდან ამოდის. წინააღმდეგ შემთხვევაში, ქვეყნის მეორე პირის სავარძლიდან ჩვენ არ დაგვმოძღვრავდა ოკუპანტი ქვეყნის დეპუტატი, რომელიც აღიარებს აფხაზეთისა და სამაჩაბლოს დამოუკიდებლობას.
დროა, ხელისუფლებამ აიღოს პოლიტიკური პასუხისმგებლობა და დროულად დადგეს პარლამენტის თავმჯდომარის იმპიჩმენტის საკითხი და კობახიძემ დატოვოს თანამდებობა“, - აღნიშნა ნატო ჩხეიძემ.