რეგიონები

ძლიერი წვიმის გამო ქედაში მეწყერი ჩამოწვა

ძლიერი წვიმის გამო ქედის მუნიციპალიტეტის სოფლებში, ზვარესა და მერისში მეწყერი ჩამოწვა, რის გამოც სოფლებთან მისასვლელი გზა ჩაკეტილია.

მეწყერი ასევე ჩამოწვა ბათუმი - ახალციხის ცენტრალურ მაგისტრალის რამდენიმე მონაკვეთზე. ვითარება ყველაზე რთულია ქედის ცენტრთან ახლოს, ასევე სოფელ დანდალოსთან, სადაც საავტომობილო მიმოსვლა ცალმხრივად შეზღუდულია.

საავტომობილო გზების დეპარტამენტის ინფორმაციით, გზების გაწმენდა გუშინ ღამით დაიწყო, თუმცა განმეორებითი სტიქიის გამო სამუშაოები ისევ გრძელდება და მის დასრულებას დღის ბოლომდე ვარაუდობენ.