პოლიტიკა
ეკა გიგაური იმ პირთა ვინაობას ასახელებს, ვინც მეორე ტურისთვის ყალბ პირადობის მოწმობების დამზადებას მეთვალყურეობს
"საერთაშორისო გამჭირვალობა-საქართველოს" ხელმძღვანელი ეკა გიგაური იმ პირთა ვინაობას ასახელებს, ვინც სალომე ზურაბიშვილის სასარგებლოდ მეორე ტურისთვის ყალბ პირადობის მოწმობების დამზადებას მეთვალყურეობენ.
"საერთაშორისო გამჭირვალობა-საქართველოს" ხელმძღვანელის ეკა გიგაურის თქმით, სახელმწიფო სერვისების განვითარების სააგენტოში 10 დღის წინ ჩატარდა თათბირი და ყალბი პირადობის დაბეჭდვის მეთვალყურეობა დაევალა თავად ამ სააგენტოს ხელმძღვანელს სოსო გიორგაძეს და სააგენტოს შიდა აუდიტის სამსახურის უფროსს ბეჟან ობგაიძეს.
„ჩვენთვის ცნობილია ასევე რომ ამ ყველაფერს ხელმძღვანელობს და თვალყურს ადევნებს რამდენიმე მაღალჩინოსანი. თვითონ სახელმწიფო სერვისების განვითარების სააგენტოში ამას ხელმძღვანელობს სააგენტოს თავმჯდომარე სოსო გიორგაძე და ასევე სააგენტოს შიდა აუდიტის სამსახურის უფროსი ბეჟან ობგაიძე,“-განაცხადა ეკა გიგაურმა.