საზოგადოება

ეკლესიას დაფინანსება 25 მილიონიდან 50 -80 მილიონ ლარამდე უნდა გაეზარდოს - ირმა ინაშვილი

პარლამენტის ვიცე-სპიკერის, პატრიოტთა ალიანსის ლიდერის ირმა ინაშვილის განცხადებით, მართლმადიდებელ ეკლესიას არათუ უნდა შეუმცირდეს, ან შეუწყდეს სახელმწიფო ბიუჯეტიდან დაფინანსება, არამედ ორჯერ უნდა გაეზარდოს.

ამის შესახებ ინაშვილმა „ტვ პირველის“ ეთერში რესპუბლიკური პარტიის წევრების მიერ გაკეთებული შესაბამისი შინაარსის განცხადების კომენტირებისას განაცხადა.

ინაშვილი მიიჩნევს, რომ ეკლესიას მოსახლეობის 100%-ანი ნდობა აქვს, შესაბამისად, ხალხს აქვს უფლება მოითხოვოს მისი დაფინანსების გაზრდა.

„არ ვარ წინააღმდეგი, რომ ჩვენი ეკლესია დაფინანსდეს არა მარტო 25 მილიონი ლარით, რაც ძალიან ცოტა არის ეკლესიისთვის. 50 მილიონი, 80 მილიონი ლარი უნდა მიიღოს ბიუჯეტიდან ეკლესიამ. ეს ბიუჯეტის სულ რაღაც ნახევარი პროცენტია. ჩვენი ბიუჯეტი 10 მილიარდია. 3 მილიონი ვართ მართმადიდებლები. ჩვენი გადასახადიდან, სრული უფლება გვაქვს მოვითხოვოთ ეკლესიისთვის დაფინანსების გაზრდა და როდესაც რესპუბლიკური პარტია სვამს ამ საკითხს, ეს არის აბსოლუტური კომედია, იმიტომ, რომ პარტია რომელსაც ორი კაცი არ უცხადებს ნდობას ამ ქვეყანაში, ფინანსდება თვითონ ბიუჯეტიდან და ეს პარტია ითხოვს, რომ ეკლესიას, რომელსაც 100%-ანი ნდობა აქვს ჩვენი მოსახლეობის, შეუწყდეს თუ შეუმცირდეს დაფინანსება“,-აღნიშნა ინაშვილმა.

მონიკა დავლიანიძე