პოლიტიკა

ენმ ხელისუფლებასა და ბიძინა ივანიშვილს ბიზნესზე ზეწოლაში ადანაშაულებს

„ერთიანი ნაციონალური მოძრაობის“ წევრის, ოთარ სირაძის განცხადებით, საქართველოს ყოფილი პრემიერ-მინისტრი ბიძინა ივანიშვილი „ჯორჯიან მანგანეზის“ ხელში ჩაგდებას ცდილობს. ამის შესახებ მან დღევანდელ ბრიფინგზე თქვა.

სირაძის განცხადებით, „მანგანეზზე“ კონტროლის დამყარების გზით ივანიშვილმა სხვადასხვა უწყება ჩართო: ფინანსური პოლიცია, საგადასახადო ინსპექცია, გარემოს დაცვისა და ენერგეტიკის სამინისტრო, ასევე სასამართლო. მან აღნიშნა, რომ კომპანიას ეკოლოგიური ბრალდებით 365 მილიონი ლარით დააჯარიმეს, რის გამოც 172-ე მუხლით სისხლის სამართლის საქმეა აღძრული, ასევე საგდასახადო ჯარიმა დააკისრეს 200 მილიონი ლარის ოდენობით.

ენმ-ის წევრის თქმით, ხელისუფლებამ კომპანიას დროებითი მმართველი ნიკოლოზ ჩიქოვანი დაუნიშნა. სირაძემ აღნიშნა, რომ ჩიქოვანი ხელისუფლებასთან და ბიძინა ივანიშვილთან დაახლოებული კაცის, გიორგი კაპანაძის ნდობით აღჭურვილი პირია.

სირაძემ მოუწოდა ხელისუფელბას, შეწყვიტოს ზეწოლა ბიზნესმენებზე, რადგან ეს ინვესტორების დაინტერესებას შეამცირებს.

ანა მებურიშვილი