პოლიტიკა

ენმ-მა ბათუმის აქციის ერთ-ერთი მონაწილე, ირაკლი ჩხვირკია პარტიიდან გარიცხა

„ერთიანი ნაციონალური მოძრაობის“ განცხადებით, ბათუმის აქციის ერთ-ერთი მონაწილე, ირაკლი ჩხვირკია პარტიიდან გაირიცხა. წერილის თანახმად, ჩხვირკია პარტიის საწინააღმდეგო პოზიციას გამოხატავდა.

„ბათუმში განვითარებულ მოვლენებთან დაკავშირებით, პარტიასთან შეუთანხმებლად ირაკლი ჩხვირკიას მიერ გაკეთდა არაერთი განცხადება და ქმედება, რომელიც არ გამოხატავდა "ერთიანი ნაციონალური მოძრაობის" პოზიციას. მეტიც, მისი ქმედებები ენმ-ის პოზიციის საწინააღმდეგო იყო.

ამ დროისთვის ირაკლი ჩხირკვია პარტიიდან გარიცხულია“, - წერია განცხადებაში.

შეგახსენებთ, რომ ჩხვირკია 12 მარტის ღამით ბათუმში ჩავიდა, აქციის მონაწილეთა სოლიდარობის გამოსახატავად, ასევე მან ულტიმატუმი წაუყენა ხელისუფლებას, კერძოდ, მოითხოვა ბათუმის საპატრულო პოლიციის ხელმძრვანელის გადადგომა, ასევე აქციის მონაწილეების ხელსეუხებლობის გარანტია.

ანა მებურიშვილი