პოლიტიკა

ენმ პარლამენტის თავმჯდომარეს მოუწოდებს, სასწრაფოდ შეკრიბოს ბიუროს სხდომა

„ნაციონალური მოძრაობა“ პარლამენტის თავმჯდომარეს ირაკლი კობახიძეს მოუწოდებს, სასწრაფოდ შეკრიბოს ბიუროს სხდომა, რათა დეპუტატ, ნიკა მელიას დაკავებაზე იმსჯელონ.

როგორც სამადაშვილმა განაცხადა, პარტია ასევე ითხოვს შინაგან საქმეთა მინისტრის, გიორგი გახარიას თანამდებობიდან გადადგომას.

„დაირღვა საქართველოს კონსტიტუცია, დაირღვა პარლამენტის რეგლამენტი და მოვუწოდებ ირაკლი კობახიძეს, დაუყოვნებლივ შეკრიბოს პარლამენტის ბიურო, რათა ჩვენ ვიმსჯელოთ იმაზე, რაც დღეს მოხდა. გადადგეს დაუყოვნებლივ გახარია, რომლის დაქვემდებარებაში მყოფმა ადამიანებმაც დაარღვიეს კონსტიტუცია და საქართველოს კანონი. ივანიშვილის მთავრობა ამ ქვეყნის მართვის კონსტიტუციური ველიდან გავიდა, რაზეც ჩვენ დაუყოვნებლივ ვაცნობებთ საერთაშორისო თანამეგობრობას. ხვალ პარლამენტში მოწვეული არიან დიპლომატები და მათ ჩვენ ვაცნობებთ, რომ საქართველოს ხელისუფლება არღვევს ყველა საერთაშორისო ვალდებულებას“, - განაცხადა სამადაშვილმა.

ენმ-ს წევრი ყველა ოპოზიციურ პარტიას დღეს, 18:00 საათზე, აქციაზე მისვლისა დემოკრატიის დაცვისკენ მოუწოდებს.

,,თუ დღეს იჭერენ საქართველოს პარლამენტის წევრს ,,ერთიანი ნაციონალური მოძრაობიდან,“ ხვალ შეიძლება დაიჭირონ ნებისმიერი თქვენგანი და ამ ქვეყანაში სამწუხაროდ, დამკვიდრდება ერთპარტიული მმართვლობა“, - განაცხადა სანადაშვილმა ოპოზიციური პარტიებისადმი მიმართვაში.

ნინო ექვთიმიშვილი