უკან

უახლესი ამბები

დღის კალენდარი

ანონსები

არქივი

პოლიტიკა

6 დეკემბერი, 2019 10:50
font-size

ექიმი ვაჟა გაფრინდაშვილი ძალიან მალე გათავისუფლდება - ნინო ბურჯანაძე

„ერთიანი საქართველო-დემოკრატიული მოძრაობის” ლიდერის, ნინო ბურჯანაძის განცხადებით, მოსკოვში ყველა შეხვედრაზე ექიმ ვაჟა გაფრინდაშვილის საკითხზე ისაუბრა.

როგორც ბურჯანაძე საქართველოს პირველ არხთან სატელეფონო საუბარში ამბობს, რუსეთის ხელისუფლების წარმომადგენლებს მიმართა თხოვნით, რომ მაქსიმალურად ჩაერთონ ამ პროცესში, რათა ხელი შეუწყონ ვაჟა გაფრინდაშვილის რაც შეიძლება სწრაფად გათავისუფლების პროცესს.
„რა თქმა უნდა, ყველა შეხვედრაზე, რომელიც მქონდა, მათ შორის საგარეო საქმეთა სამინისტროში, ბუნებრივია ვისაუბრე ვაჟა გაფრინდაშვილის თემასთან დაკავშირებით. რუსეთის საგარეო საქმეთა სამინისტრომ, ცხადია როგორც ამას აკეთებს ხოლმე დიპლომატიური უწყება, გააკეთა ძალიან მოკლე განცხადება შეხვედრასთან დაკავშირებით და ჩემის აზრით, ძალიან მნიშვნელოვანი ძირითადი გზავნილიც დააფიქსირა. რაც შეეხება ვაჟა გაფრინდაშვილის თემას, ერთმნიშვნელოვნად შემიძლია გითხრათ, რომ აბსოლუტურად ყველა შეხვედრაზე ვისაუბრე ამ თემასთან დაკავშირებით. ხვალაც ვაპირებ შემდგომ შეხვედრებზე საუბარს. მივმართე თხოვნით რუსეთის ხელისუფლების წარმომადგენლებს, რომ მაქსიმალურად ჩაერთონ იმ პროცესში, რომ ხელი შეუწყონ ვაჟა გაფრინდაშვილის რაც შეიძლება სწრაფად გათავისუფლების პროცესს. მინდა დიდი სიამოვნებით გითხრათ, რომ ვარ ძალიან იმედიანად ამ შეხვედრების შემდეგ, რადგან ნამდვილად შემიძლია დაგიდასტუროთ, რომ არა მარტო ადამიანური თანაგრძნობა და შეწუხება დავინახე ამ საქმესთან დაკავშირებით, მით უფრო როდესაც საქმე ექიმს ეხება, არამედ პოლიტიკურადაც ძალიან ნათლად ესმის რუსეთის ხელისუფლებას, რომ მათი მხრიდან ამ პროცესისთვის და დაჩქარებისთვის ხელის შეწყობა არის ძალიან მნიშვნელოვანი“,- განაცხადა ბურჯანაძემ.

კითხვაზე, რაში გამოიხატებოდა რუსეთის ხელისუფლების შეწუხება აღნიშნულ საკითხთან დაკავშირებით და იყო თუ არა ვადებზე საუბარი, თუ როდის გათავისუფლდება ექიმი ვაჟა გაფრინდაშვილი, ბურჯანაძე პასუხობს, რომ უკანონოდ დაკავებულ ექიმს საპატიმროდან მალე გამოუშვებენ.

„მე დრო და საათი ახლა რომც ვიცოდე ზუსტად, მაინც არ გეტყვით და არ დავიწყებდი ახლა ამაზე საუბარს. შემიძლია, გითხრათ, რომ ექიმი ვაჟა გაფრინდაშვილი ძალიან მალე გათავისუფლდება. ამ წუთისთვის სწორედ ეს განწყობაა და მაქსიმალური ხელშეწყობა ამისთვის“,- განაცხადა ბურჯანაძემ.
ამასთან, ბურჯანაძის თქმით, რუსეთის პოზიციაა, რომ პოლიტიკური კრიზისი საქართველოში არის საქართველოს საშინაო საქმე და მოსკოვი ამ საკითხებში ჩარევას არ აპირებს.

„რაც შეეხება სხვა საკითხებს. მე როდესაც მოსკოვში ვარ, ან ნებისმიერ სხვა ადგილზე, ყოველთვის ვაყენებ იმ საკითხებს, რაც საქართველოს სახელმწიფოსათვის არის მნიშვნელოვანი. ამიტომ, ბუნებრივია, საკითხი შეეხო რუსულ-ქართული ურთიერთობის ყველა მტკივნეულ პრობლემას, მათ შორის, რა თქმა უნდა, კონფლიქტების პრობლემასაც. ჩემთვის მნიშვნელოვანია, რომ რუსეთიდან, ისევე როგორც მსოფლიოს ნებისმიერი დედაქალაქიდან, ხედავენ იმ კრიზისს, რაც საქართველოში ახლა არის – პოლიტიკური კრიზისი და ერთმნიშვნელოვნად დაფიქსირდა, რომ ეს არის საქართველოს საშინაო საქმე და, რა თქმა უნდა, რუსეთი ამ საკითხებში ჩარევას არანაირად არ აპირებს. რუსულმა მხარემ გამოხატა სურვილი, რომ ნებისმიერი პრობლემა საქართველოს შიგნით გადაწყვეტილიყო დიალოგით, თუმცა ეს მათ არ ეხებათ, რადგან ეს არის საქართველოს საშინაო საქმეები“,- განაცხადა ბურჯანაძემ.

მისივე ინფორმაციით, შეხვედრები 6 დეკემბერსაც გაგრძელდება.
„იქნება შეხვედრა გრიგორი კარასინთან, ასევე 16:00 საათზე იქნება დუმაში შეხვედრა რუსეთის დუმის პირველ ვიცე-სპიკერთან. ვიზიტი 6 დეკემბერს სრულდება“,- აღნიშნა ნინო ბურჯანაძემ.

ამასთან, რუსეთის საგარეო საქმეთა სამინისტრო სერგეი ლავროვის მოადგილის, ანდრეი რუდენკოსა და „ერთიანი საქართველო-დემოკრატიული მოძრაობის“ თავმჯდომარის, ნინო ბურჯანაძის შეხვედრის შესახებ ინფორმაციას ავრცელებს. როგორც რუსეთის საგარეო უწყების განცხადებაშია აღნიშნული, მხარეებმა რუსულ-ქართული ურთიერთობების მდგომარეობა და პერსპექტივები განიხილეს. განცხადებაში ნათქვამია, რომ რუსულმა მხარემ საქართველოსთან ურთიერთობების ნორმალიზებაზე თავისი დაინტერესება დაადასტურა, მათ შორის იყო ორ ქვეყანას შორის ავიამიმოსვლის შესაძლო აღდგენის საკითხიც.

ინფორმაციას საქართველოს პირველი არხი ავრცელებს.

ყველაფერს გავაკეთებთ, რომ საქართველო ყოველთვის იყოს განხილვის თემა, როდესაც თქვენ - ჩვენი მეგობრები, ევროპის მომავალზე ისაუბრებთ - გიორგი გახარია

23 იანვარი, 2020 , 17:25

აქ ვიმყოფები, როგორც იმ ქვეყნის პრემიერ-მინისტრი, რომელიც აღმოსავლეთ პარტნიორობის წევრია და ეს ჩვენთვის ძალიან მნიშვნელოვანია; მეორე ფაქტორი ის გახლავთ, რომ საქართველოს ევროპული და ევროატლანტიკური მისწრაფება შემდგარი ფაქ

ჩვენი ქვეყნის 20% რუსეთის მიერ არის ოკუპირებული და ეს არის ჩვენი მოქალაქეების წინაშე მდგარი ყოველდღიური გამოწვევა - გიორგი გახარია

23 იანვარი, 2020 , 17:25

ჩვენ გამოწვევებით სავსე რეგიონში ვიმყოფებით და როდესაც რუკაზე ამ სამეზობლოს შეხედავთ, ამაში თავადაც დარწმუნდებით; აქტუალურია ჩვენი ქვეყნის ოკუპაციის საკითხი, - ამის შესახებ საქართველოს პრემიერ-მინისტრმა გიორგი გახარიამ დ

საქართველოს მეგობრების განცხადებების ფონზე, სრულიად სამარცხვინო და არასერიოზულია საქართველოს ხელისუფლების რეაქცია - „თავისუფალი საქართველო“

23 იანვარი, 2020 , 15:35

პარტია „თავისუფალი საქართველო“ ბოლო პერიოდში შეერთებული შტატების კონგრესისა და ევროპარლამენტის წევრების მიერ საქართველოს მთავრობისათვის გამოგზავნილ წერილებსა და რეკომენდაციებს ეხმაურება. როგორც „თავისუფ

ფრაქცია `დამოუკიდებელი დეპუტატები` ივანე მაჭავარიანს პარლამენტში იბარებენ

23 იანვარი, 2020 , 14:50

ფრაქცია „დამოუკიდებელი დეპუტატები“ საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულიას მიმართავს. წერილს, რომელსაც ხელს ფრაქციის თავმჯდომარე მარიამ ჯაშ

ნატო-საქართველოს კომისიამ წლიური ეროვნული პროგრამის შესრულებას მაღალი შეფასება მისცა და ოკუპირებულ რეგიონებში არსებული ვითარების გამო შეშფოთება გამოთქვა - საგარეო უწყება

23 იანვარი, 2020 , 14:15

ბრიუსელში, ნატო-ს შტაბ-ბინაში მუდმივი წარმომადგენლების დონეზე ნატო-საქართველოს კომისიის სხდომა გაიმართა, სადაც მხარეებმა საქართველოს 2019 წლის წლიური ეროვნული პროგრამის შეფასების დოკუმენტი და კონფლიქტის მშვიდობიანი დარეგ

„თქვენი ლიდერის ბოროტი კურსი შესაჩერებელია“ - მამუკა ხაზარაძე „ქართული ოცნების“ დეპუტატებს, წევრებსა და მხარდამჭერებს ღია წერილით მიმართავს

23 იანვარი, 2020 , 13:15

პოლიტიკური გაერთიანება „ლელო საქართველოსთვის“ ლიდერი მამუკა ხაზარაძე „ქართული ოცნების“ დეპუტატებს, წევრებსა და მხარდამჭერებს ღია წერილით მიმართავს. „ქართული ოცნების“ პროპაგანდისტები ცდ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`