უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
საზოგადოება
ბიუჯეტის დაგეგმვაში მონაწილეობა დაინტერესებულ სტუდენტებსაც შეეძლებათ - თსუ
ივანე ჯავახიშვილის სახელობის თბილისის სახელმწიფო უნივერსიტეტში სამუშაო ფორმატში სტუდენტურ ჯგუფებთან მორიგი შეხვედრა ფინანსური გამჭვირვალობის საკითხსა და უნივერსიტეტის ბიუჯეტის დაგეგმვას ეხებოდა. ინფორმაციას ამის შესახებ თსუ ავრცელებს.
მათივე ცნობით, უნივერსიტეტის ბიუჯეტის ფორმირებაზე და სხვა საფინანსო საკითხებზე სტუდენტებს თსუ-ს ადმინისტრაციის ხელმძღვანელი ლაშა საღინაძე, ადმინისტრაციის ხელმძღვანელის მოადგილე გიორგი შამათავა და საფინანსო დეპარტამენტის ხელმძღვანელის მ.შ მანონი ჯოჯუა ესაუბრნენ.
„სტუდენტებს განემარტათ, თუ როგორ ხდება უნივერსიტეტის ბიუჯეტის ფორმირება, როგორ მიმდინარეობს ბიუჯეტის ხარჯვითი ნაწილის და სხვა საფინანსო საკითხების დაგეგმარება/განხორციელება. სამომავლოდ შევთავაზეთ და შევთანხმდით, რომ მომავალი წლის ბიუჯეტის დაგეგმვის პროცესში, სენატის წევრების გარდა, მონაწილეობა სხვა დაინტერესებულმა სტუდენტებმაც მიიღონ“, - განაცხადა ადმინისტრაციის ხელმძღვანელმა, ლაშა საღინაძემ.
როგორც მან აღნიშნა, შეხვედრაზე საუბარი ასევე, უმაღლესი განათლების დაფინანსების წესის ცვლილებას შეეხო, რაზეც საერთო პოზიცია არსებობს, რომ აღნიშნული წესი შეცვლას საჭიროებს.
„სამუშაო ფორმატში შეხვედრები შესაბამისი სახელმწიფო უწყებების მონაწილეობით უახლოეს პერიოდში გაგრძელდება. საერთო საცხოვრებლის თემაზე პირველი შეხვედრა უკვე გაიმართა. მიმდინარე კვირაში სტუდენტებთან ერთად, შეხვედრა რექტორის არჩევის წესის ცვლილებასა და სხვა აქტუალურ საკითხებზე გაიმართება. ამ საკითხებზე სამუშაო ჯგუფი შეიქმნება, სადაც სტუდენტებს შეეძლებათ, აქტუალური თემები განიხილონ და შესაბამისი ცვლილებების განხორციელების პროცესში მონაწილეობა მიიღონ,“ - აღნიშნულია გავრცელებულ ინფორმაციაში.