კომენტარი

ეროვნულ ბანკს აქვს ბერკეტები, რომ ფასების ზრდა არ დაუშვას - კობა გვენეტაძე

„საქართველოში, როგორც მოგეხსენებათ, მოქმედებს ლარის მცურავი გაცვლითი კურსი. ასეთი კურსისთვის დამახასიათებელია მოკლევადიან პერიოდში მერყეობა“, - ამის შესახებ საქართველოს ეროვნული ბანკის პრეზიდენტმა კობა გვენეტაძემ ლარის კურსის მერყეობის კომენტირებისას განაცხადა.

მისივე თქმით, სამწუხაროდ, არასწორი ანალიზი კეთდება იმასთან დაკავშირრბით, თუ რა შედეგი შეიძლება მოჰყვეს ამას.

„განსაკუთრებით იმ მიმართულებით, რომ ფასების ძალიან დიდ ზრდას გამოიწვევს. მინდა მოგახსენოთ, რომ გაცლითი კურსი არის ერთ-ერთი ფაქტორი, მაგრამ არა ყველაზე მნიშვნელოვანი ფაქტორი ინფლაციის ზრდასთან დაკავშირებით.

გთხოვთ, გადახედოთ სტატისტიკას და ნახავთ, რომ 2007 -2008 წლებში, როდესაც გაცვლითი კურსი იყო ყველაზე სტაბილური საქართველოში, ინფლაცია იყო ყველაზე მაღალი. 2007- 2008 წლებში საქართველოში ინფლაცია 12% იყო. ინფლაციაზე უფრო მნიშვნელოვან გავლენას ახდენს ერთობლივი მოთხოვნა და ეროვნულ ბანკს აქვს ბერკეტები, რომ არ დაუშვას ფასების ზრდა, - განაცხადა გვენეტაძემ.