უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
ეროვნული ბანკი მეწარმეთა ფინანსური განათლების მიზნით ტრენერთა გადამზადებას განაგრძობს
მიკრო და მცირე მეწარმეების ფინანსური განათლების პროგრამის ფარგლებში, მეწარმეების ფინანსური წიგნიერების დონის ამაღლებისა და ქვეყანაში მეწარმეთა ხელშეწყობის საკითხებზე მომუშავე ორგანიზაციების შესაძლებლობების ზრდის მიზნით, საქართველოს ეროვნული ბანკი საჯარო, კერძო და სამოქალაქო სექტორის დაინტერესებული ორგანიზაციების ტრენერების გადამზადებას განაგრძობს.
ამჯერად ტრენერთა ტრენინგში (TOT) მონაწილეობა ფინანსთა სამინისტროს აკადემიისა და "კრეატიული განვითარების ცენტრის" (CDC) ტრენერებმა მიიღეს, რომლებიც მეწარმეთა შესაძლებლობების ამაღლების მიზნით, სხვადასხვა პროექტს ახორციელებენ.
"კრეატიული განვითარების ცენტრი", ეროვნული ბანკის მიერ შემუშავებული პროგრამის მიხედვით, გეგმავს ფინანსური განათლების მოდული საქართველოს ინოვაციებისა და ტექნოლოგიების სააგენტოს (GITA) 3 - წლიანი პროექტის "ინტერნეტი განვითარებისთვის" ბენეფიციარ 3 000 - მდე მეწარმეს შესთავაზოს.
მიკრო და მცირე მეწარმეთა ფინანსური განათლების პროგრამა ეროვნულმა ბანკმა 2018 წელს "ევროპული ფონდის სამხრეთ - აღმოსავლეთ ევროპისათვის" განვითარების პროგრამასთან (EFSE DF) და ექსპორტის განვითარების ასოციაციასთან (EDA) თანამშრომლობით შეიმუშავა. პროგრამა მიზნად ისახავს ხელი შეუწყოს მიკრო და მცირე საწარმოების მფლობელებსა და მომავალ მეწარმეებს შეიძინონ და განავითარონ ის ცოდნა და უნარები, რაც მათ საკუთარი ბიზნესის საჭიროებებიდან და შესაძლებლობებიდან გამომდინარე სწორი ფინანსური გადაწყვეტილებების მიღებაში დაეხმარებათ. პროგრამის ფარგლებში, შემუშავდა მეწარმეთა სახელმძღვანელო, სესხის კალკულატორი და ფინანსური უწყისები, რომლებიც ეროვნული ბანკის ვებგვერდზე უფასოდაა ხელმისაწვდომი.
2018 წელს ტრენერთა ტრენინგის გზით 15 ტრენერი, ხოლო ბენეფიციართა ტრენინგის გზით 80 - მდე მეწარმე გადამზადდა ქვემო ქართლისა და სამცხე - ჯავახეთის რეგიონებიდან.
საქართველოს ეროვნულ ბანკში ტრენერთა ტრენინგის გავლის შემდეგ, ტრენერები შეძლებენ დამოუკიდებლად ჩაატარონ ტრენინგი ფინანსურ ორგანიზაციებთან ურთიერთობასა და ფინანსური გადაწყვეტილებების შესახებ ნებისმიერ სფეროში დასაქმებული მიკრო და მცირე მეწარმეებისთვის; ბენეფიციარებთან ერთად განიხილონ საკვანძო საკითხები რეალურ მაგალითებსა და პრაქტიკულ რჩევებზე დაყრდნობით; და დაეხმარონ მეწარმეებს საკუთარი ბიზნესის ფინანსური მდგომარეობის შეფასებაში ძირითადი ინდიკატორების გამოთვლისა და დამხმარე ინსტრუმენტების - კალკულატორებისა და ფინანსური უწყისების - გამოყენების გზით.
ეროვნული ბანკი მთელი წლის განმავლობაში გეგმავს ტრენერთა და ბენეფიციართა ტრენინგების ციკლის გაგრძელებას.
NS