არქივი
პოლიტიკა
ეროვნული უშიშროების საბჭო არაქმედითი ორგანოა - ირკალი კობახიძე
პარლამენტის თავმჯდომარე ირაკლი კობახიძე საკონსტიტუციო ცვლილებების საყოველთაო - სახალხო განხილვას ესწრება, რომელიც პარლამენტის პლენარულ დარბაზში მიმდინარეობს და მას სხვადასხვა უმაღლესი სასწავლებლების რექტორები და პროფესორ-მასწავლებლები ესწრებიან.
პარლამ,ენტის თავმჯდომარემ დარბაზში მყოფ ადამიანებს კონსტიტუციის ახალი რედაქცია მუხლობრივად გააცნო.
„უქმდება ეროვნული უშიშროების საბჭო, რომელიც არის არაქმედითი ორგანო. ჩემი გამოცდილებიდან შემიძლია ეს გითხრათ. მე თვითონ ვარ ეროვნული უშიშროების საბჭოს წევრი და ამ საბჭოს უფლებამოსილება არ შეესაბამება მთლიანად მმართველობის სისტემას.
ეროვნული უშიშროების საბჭო მოქმედებს ზოგიერთ ქვეყანაში საპარლამენტო მმართველბის პირობებშიც და არის ორადორი გამონაკლისი - და ეს არის ესტონეთი და ლატვია. სხვა შემთხვევაში უშიშროების საბჭო საპარლამენტო მმართველობის სისტემაში არ მოქმედებს, იმიტომ რომ ამ შემთხვევაში მთავრობა, თავისი შინაარსით, ანაცვლებს მთლიანად ეროვნული უშიშროების საბჭოს. ანუ არსებითად მთავრობა ითავსებს ამ უფლებამოსილებას. ამის ნაცვლად ჩევნ შემოვიღეთ ეროვნული თავდაცვის საბჭოს ინსტიტუტი, რომელიც იქმნება საომარი მდგომარეობის დროს, მას საქართველს პრეზიდენტი უხელმძღვანელებს“,-განმარტა ირაკლი კობახიძემ.
მონიკა დავლიანიძე