კომენტარი

ეროვნული ვალუტის ცვალებადობაზე ბანკები ხელს ითბობენ - დავით ჭიჭინაძე

საპარლამენტო უმრავლესობის წევრის, დავით ჭიჭინაძის შეფასებით, ლარის გაუფასურებით მოგებული საბანკო სექტორი რჩება.

ამის შესახებ დეპუტატმა პრესკონფერენციაზე განაცხადა.

„2015 წლის ბოლოდან - მას შემდეგ რაც ეროვნული ვალუტა არასტაბილური გახდა, როდესაც მთელს მსოფლიოში დოლარმა სხვადასხვა ვალუტებთან მიმართებაში გამყარება დაიწყო, ჩვენი კომერციული ბანკების არასაპროცენტო შემოსავლები საკმაოდ გაიზარდა – თითქმის გაორმაგდა, რაც იმის მანიშნებელია, რომ ბანკები ხელს ითბობენ ეროვნული ვალუტის ცვალებადობაზე.

შესაბამისად ეროვნული ბანკი უნდა ფიქრობდეს იმაზე, როგორ დაარეგულიროს ეს სიტუაცია იმიტომ, რომ რაც მეტ ფულს შოულობენ ბანკები ამ არასაპროცენტო შემოსავლებით, ჩათვალეთ, რომ აკლდება ბიზნესს და არცთუ ისე სახარბიელოდ აისახება ეკონომიკაზე. 2015-2016 წლებში როდესაც ვალუტის ხან მყისიერად უფასურდებოდა და ხან მყარდებოდა მაშინ „რიკო კრედიტის“ ხელმძღვანელმა ვერც დამალა და თქვა, რომ ძალიან მოკლე პერიოდში 5 მილიონის მოგება ნახა“,- განაცხადა დავით ჭიჭინაძემ.

მონიკა დავლიანიძე