უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
საზოგადოება
ერთ-ერთ სადაზღვევო კომპანიაში მიმდინარეობდა ვიდეოთვალთვალი სამუშაო ოთახებში, სამზარეულოსა და მომხმარებელთა მომსახურების ოთახებში - სახელმწიფო ინსპექტორის სამსახური
ერთ-ერთ სადაზღვევო კომპანიაში განთავსებული 40 ერთეული კამერით მიმდინარეობდა თანამშრომელთა ვიდეოთვალთვალი სამუშაო ოთახებში, სამზარეულოსა და მომხმარებელთა მომსახურების ოთახებში, – ამის შესახებ აღნიშნულია სახელმწიფო ინსპექტორის 2919 წლის ანგარიშში, რომელიც პარლამენტს წარედგინა.
დოკუმენტში ნათქვამია, რომ სახელმწიფო ინსპექტორის სამსახურისთვის ცნობილი გახდა ამ სადაზღვევო კომპანიაში აუდიო-ვიდეომონიტორინგის კანონდარღვევით განხორციელების შესაძლო ფაქტი.
„შემოწმების შედეგად დადგინდა, რომ კომპანიაში განთავსებული 40 ერთეული კამერით მიმდინარეობდა თანამშრომელთა ვიდეოთვალთვალი სამუშაო ოთახებში, სამზარეულოსა და მომხმარებელთა მომსახურების ოთახებში. აუდიომონიტორინგი მომხმარებელთა მომსახურების ოთახებში მომსახურების გაწევის ხარისხისა და მომხმარებელთან კომუნიკაციის შინაარსის შეფასებას ემსახურებოდა. ეს ფაქტი არ ჩაითვალა კანონიერად და სადაზღვევო კომპანიას სამართალდარღვევა დაუდგინდა. ამასთან, კომპანიას დაევალა მის მფლობელობაში არსებულ ობიექტებზე ვიდეო და აუდიომონიტორინგის გზით დაემუშავებინა იმ მოცულობის პერსონალური მონაცემები, რაც დასახულ კანონიერ მიზნებს შეესაბამებოდა (საკუთრებისა და უსაფრთხოების დაცვა). კომპანიამ შეასრულა სამსახურის მითითება და შეწყვიტა საჭიროების გარეშე აუდიო-ვიდეომონიტორინგი“, – აღნიშნულია ანგარიშში.