უახლესი ამბები
- 30.04.2024 16:00პარლამენტმა გიორგი კალანდარიშვილი ცესკო-ს თავმჯდომარედ 5 წლით აირჩია
- 30.04.2024 15:47მაია ბითაძე ოპოზიციას: თავი დაანებეთ მავნებლობას, სპეკულაციას ევროპული დროშით, იმ დროშით, რომლისთვისაც არაფერი გაგიკეთებიათ
- 30.04.2024 15:42პაატა მანჯგალაძე უმრავლესობას: სამი საუნჯე თქვენი არის ბიძინა, სკამი, ფული
- 30.04.2024 12:01ქადაგება დღეს, რომ მტერი მტერი არაა და მოყვარე და მოკავშირე მოკავშირე არაა, ეს იგივეა რაც იმის უარყოფა, რომ დედა-დედაა და მამა-მამაა - სალომე ზურაბიშვილი
- 30.04.2024 11:06მარტში საქართველოს ეკონომიკა 8.2 პროცენტით გაიზარდა - საქსტატი
- 30.04.2024 10:52არჩევნების შემდეგ ვინ აგებს პასუხს, ვინ გახეხავს „პარაშას“, მაგას დაგანახებთ - გივი თარგამაძე
- 30.04.2024 10:42ვისაც ევროპული მომავალი გვინდა მუშტები მოგვიღერა – დაგამარცხებთ და წელში გაგტეხავთო - ლევან ხაბეიშვილი ბიძინა ივანიშვილზე
- 30.04.2024 09:08სამწუხაროა, რომ ადამიანი, რომელიც დღემდე სამართლებრივად საქართველოს პრეზიდენტად იწოდება, უბრალოდ, ამ ქვეყნის მოღალატეა - ირაკლი კობახიძე
არქივი
პოლიტიკა
ეს არის ტყუილი, რასაც ხელისუფლების წარმომადგენლები და მომხრეები ამბობენ - გოჩა მირცხულავა
ეს არის ტყუილი, რასაც ხელისუფლების წარმომადგენლები და მომხრეები ამბობენ - თითქოს ვინმე გვაიძულებს კანონი არ მივიღოთ, - ამის შესახებ წერს სოციალურ ქსელში ანალიტიკოსი გოჩა მირცხულავა.
„ჩვენი პარტნიორები ნათლად განმარტავენ, რომ ეს კანონი არ არის თავსებადი დასავლურ ღირებულებებთან, სულ ესაა ყველა განცხადების არსი.
შესაბამისად, მივიღებთ კანონს, მათ აქვთ უფლება გვითხრან, რომ ამ პირობებში "ჩვენ არ გვსურს თქვენთან მეგობრობა და პარტნიორობა", "ჩვენ არ გაგიზიარებთ იმ სიკეთეებს, რომელსაც გაძლევდით". აი. ასეა მარტივად ყველაფერი.
ევროკავშირს აქვს ინსტრუმენტები შეაჩეროს კანდიდატის სტატუსი, გააუქმოს ან შეზღუდოს უვიზო მიმოსვლა; შეაჩეროს სხვადასხვა ეკონომიკური და ჰუმანიტარული პროექტები, გაატაროს მკაცრი პოლიტიკა მიგრანტებთან დაკავშირებით და ა.შ. უფრო მეტ ინსტრუმენტებს ფლობს აშშ. სულ ეს არის და აქ კითხვის დასმა - "რატომ?" სიბრიყვის დემონსტრირებაა. აქ არგუმენტი - საქართველოში რასაც მინდა ვაკეთებ იდიოტიზმია. რადგან არავინ კრძალავს რაც "გვინდა" ის ვაკეთოთ.
ვიმეორებ - ძმაკაცობა, მეგობრობა ორმხრივი აქტია. თუ შენ არ მეძმკაცები, მე რატომ ვარ ვალდებული რაიმე ფორმით გეძმაკაცო და გვერდით გედგე?
ამიტომ, აქ გადაწყვეტილებას იღებს ქართველი ხალხი და არა სხვა ვინმე.
მეორე - მთელი ეს პროცესი არის შურისძიება ქართველ ახალგაზრდებზე და ქართველ ხალხზე (!) რომელმაც მოიპოვა კანდიდატის სტატუსი. ეს არის შურისძიება თავისუფლებაზე და ეს არის შურისძიება თავისუფალ აზრზე. ეს არის შურისძიების აქტი მიმართული ქართველი ხალხის მისწრაფებების წინააღმდეგ.
მესამე - თუ დასავლეთ გვეუბნება, რომ კანონი ეწინააღმდეგება ევროპულ ღირებულებებს, თუ ამასვე გვეუბნება ნატო, ხოლო კონსტიტუციის 78-ე მუხლით ხელისუფლების ვალდებულებაა ამ მისწრაფებების რეალიზება, გამოდის, რომ ხელისუფლება გადის კონსტიტუციის ჩარჩოებიდან და ახდენს საკუთარ დელეგიტიმაციას.
ასე მარტივადაა ეს ყველაფერი და ახლა გაქვთ უფლება აირჩიოთ სად გინდათ იყოთ,“- წერს გოჩა მირცხულავა.