უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
ეს ჭირვეული პატარა გოგოს საქციელი იყო და გენდერი არ მიგულისხმია - გია ვოლსკი სალომე სამადაშვილზე
დეპუტატმა გია ვოლსკიმ მისი კოლეგის, პარლამენტარ სალომე სამადაშვილის საქციელი „გაუწონასწორებელი, პატარა გოგონების“ ქცევას შეადარა. ასე, პირველ არხთან საუბრისას ვოლსკი გამოეხმაურა იმ ფაქტს, რომ სამადაშვილმა მას გენდერული თანასწორობის საბჭოში უჩივლა.
დეპუტატის თქმით, სამადაშვილისადმი მიმართვის დროს მას გენდერი არ უგულისხმია.
„როცა კოლეგა ლაპარაკობს და მას საუბარს მაღალ რეესტრში ყვირილით აწყვეტინებ, ეს ის საქციელია, რომელიც გაუწონასწორებელ, პატარა გოგონებს ახასიათებთ. ეს გენდერული საკითხი არ არის. გენდერი საერთოდ არ მიგულისხმია, მისი საქციელი ვიგულისხმე, რაც გათამამებული პატარა ბავშვის საქციელია. ასე ჩემი შვილიშვილი იქცევა ხოლმე. ჩემს ჭირვეულ შვილიშვილს თავი რომ დავანებოთ, ეს ჭირვეული პატარა გოგოს საქციელი იყო და გენდერი არ მიგულისხმია“, - თქვა ვოლსკიმ.
შეგახსენებთ, 9 ოქტომბერს 2018 წლის ბიუჯეტის განხილვაზე გია ვოლსკისა და სალომე სამადაშვილს შორის შელაპარაკება მოხდა.
თავდაპირველად სამადაშვილმა კითხვები თავდაცვის სამინისტროს წარმომადგენელს დაუსვა ქვეყნის თავდაცვისუნარინობის გაძლიერების სავარაუდო პერსპექტივის შესახებ, კერძოდ, როგორ აისახება ეს ბიუჯეტზე. ასევე დეპუტატმა ყურადღება გაამახვილა, რომ კრიზისის დროს საქართველომ რუსეთს დახმარება სთხოვა, მიუხედავად იმისა, რომ ის ქვეყნის მთავარ საგარეო საფრთხეს წარმოადგენს
თავდაცვის სამინისტროს წარმომადგენლის პასუხების შემდეგ სიტყვით გამოვიდა გია ვოლსკი, რის შემდეგაც მას სამადაშვილთან კამათი მოუვიდა.
„რა გაყვირებს, გოგო?“, -უთხრა ვოლსკიმ სამადაშვილს, რის გამოც ენმ-ის წევრმა პროტესტის ნიშნად სხდომა დატოვა შეძახილით „გოგოთი მიმართეთ სახლში საკუთარი ოჯახის წევრებს!“.
ანა მებურიშვილი