უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ეს ყველაფერიც მომდინარეობს სააკაშვილის სისხლიანი რეჟიმიდან - ია მეტრეველმა ზაზა სარალიძესა და მალხაზ მაჩალიკაშვილს სოლიდარობა გამოუცხადა
„წუთიერი დუმილით პატივი მივაგოთ ამ ადგილს, სადაც „ნაციონალურმა მოძრაობამ“ 7 ნოემბერს დაარბია ჩვენი თანამოქალაქეები“, – ამის შესახებ აქციის „გვახსოვს 7 ნოემბერი“ ერთ-ერთმა ორგანიზატორმა, ბუტა რობაქიძის დედამ, ია მეტრეველმა პარლამენტის შენობის წინ განაცხადა.
აქციის მონაწილეებმა ოპერისა და ბალეტის თეატრის მიმდებარე ტერიტორიიდან თავისუფლების მოედნისკენ მსვლელობა მოაწყვეს. ისინი მცირე ხნით პარლამენტის შენობასთან შეჩერდნენ, სადაც ასევე აქციას მართავენ ზაზა სარალიძე და მალხაზ მაჩალიკაშვილი. ია მეტრეველმა მათ სოლიდარობა და სამძიმარი გამოუცხადა.
„მეგობრებო, ეს ის ადგილია, სადაც 7 ნოემბერს სასტიკად გაგვისწორდნენ. მოდით, წუთიერი დუმილით პატივი მივაგოთ ამ ადგილს, სადაც ნაციონალურმა მთავრობამ 7 ნოემბერს დაარბია ჩვენი თანამოქალაქეები, სადაც დაიღვარა ქართველი ხალხის სისხლი. ასევე აქ იმყოფებიან შვილმოკლული მამები და მინდა, სამძიმარი გამოვუცხადო მათ. ჩვენ მათ მიმართ ვართ სოლიდარულები და ღმერთმა არ ქნას, რომ ჩვენს ქვეყანაში განმეორდეს ასეთი ფაქტები, როდესაც ბავშვები, მოზარდები, ერთმანეთს სასტიკად უსწორდებიან.
მინდა, ვთქვა, რომ ეს ყველაფერიც მომდინარეობს სააკაშვილის სისხლიანი რეჟიმიდან, როდესაც ბავშვები მთელი ცხრა წელი აგრესიის მეტს არაფერს არ უყურებდნენ არც ტელევიზიით, არც რადიოთი, არც კომპიუტერით და ესმოდათ მხოლოდ დაიჭირეს, მოკლეს, გააუპატიურეს, სახლებში შეუვარდნენ. ნიღბებით გამოჰყავდათ და ბავშვების თვალწინ აპატიმრებდნენ ოჯახის წევრებს. აი, სწორედ ამ აგრესიამ გამოიწვია და გამოიღო შედეგი, რომ დღეს ბავშვები ქუჩაში ასე სასტიკად უსწორდებიან ერთმანეთს.
რა თქმა უნდა, სოლიდარულები ვართ. რა თქმა უნდა, ძალიან მტკივნეულია ქართველი ერისთვის. ეს აღარ უნდა განმეორდეს. მე თანავუგრძნობ მათ და რა თქმა უნდა, აუცილებლად ვუსამძიმრებ. დღეს კი აქ ვართ შეკრებილი 7 ნოემბრის აღსანიშნავად. მშვიდობიანად ჩავივლით. ახლა ჩვენ მივალთ თავისუფლების მოედანზე და დავიშლებით მშვიდობიანად. ეს დღე იყო იმ ტრაგედიის, იმ ტრაგიკული დღის გახსენება, რაც გამოვიარეთ ნაციონალური რეჟიმის დროს“, – განაცხადა ია მეტრეველმა.