მსოფლიო

ესტონეთის პრემიერ-მინისტრი კაია კალასი გადადგა

ესტონეთის პრემიერ-მინისტრი კაია კალასი გადადგა და ახალი კოალიციური მთავრობის ფორმირებას შეეცდება. ამის შესახებ ინფორმაციას „ევრონიუსი“ ავრცელებს.

როგორც მედია წერს, კაია კალასი 15 ივლისს, პარლამენტის რიგგარეშე სხდომას მოიწვევს და მოითხოვს ახალი სამთავრობო კოალიციის მანდატს კონსერვატიულ პარტია „სამშობლოსთან“ და ოპოზიციურ სოციალ-დემოკრატიულ პარტიასთან.

კალასის განცხადებაში ნათქვამია, რომ ახალი მთავრობის ფორმირებისთვის, მოქმედი უნდა გადადგეს.

"მე შევქმნი ახალ მთავრობას. კონსტიტუციის თანახმად, ახლახანს განვაცხადე, რომ დღევანდელი ხელისუფლება გადადგება. მე გთავაზობთ პარლამენტის რიგგარეშე სხდომის მოწვევას, სადაც ახალი სამთავრობო კოალიციისთვის მანდატს მოვითხოვ". - წერს კაია კალასი.

ქვეყანაში საყოველთაო არჩევნები 2023 წლის მარტში იგეგმება.