პოლიტიკა
ე.წ ბოკერია-უგულავა-ბაქრაძეს ჯგუფმა პოლიტიკური პარტია “მოძრაობა თავისუფლებისთვის - ევროპული საქართველო“ დააფუძნეს
ე.წ ბოკერია-უგულავა-ბაქრაძეს ჯგუფმა პოლიტიკური პარტია “მოძრაობა თავისუფლებისთვის - ევროპული საქართველო“ დააფუძნეს.
პარტიის წევრებმა პრეზენტაცია გამართეს, სადაც აღნიშნეს, რომ თავმჯდომარეს აპრილში პარტიის ყრილობაზე აირჩევენ, მანამდე კი, გენერალური მდივნის მოვალეობის შემსრულებლად გიგი უგულავა დაასახელს.
„ჩვენ არ ვაპირებთ ვიყოთ არც მეორე, არც მესამე, არც მეხუთე, არც 25-ე პოლიტიკური ძალა. ჩვენ ვაპირებთ ვიყოთ ის ერთადერთი პოლიტიკური ძალა, რომელიც რეალურად შეძლებს ამ ქვეყანაში მიზიდულობის ცენტრის შექმნას. ჩვენი მოძრაობა, რომლის სახელიც იქნება „მოძრაობა თავისუფლებისთვის-ევროპული საქართველო“- იქნება ის პოლიტიკური ძალა, რომელიც ერთის მხრივ იქნება ნამდვილი მოძრაობა და არა პარტია“,-აღნიშნა პრეზენტაციაზე დავით ბაქრაძემ.
როგორც გიგი უგულავამ განმარტა, მოძრაობა თავისუფლებისთვის ნიშნავს მოძრაობას ევროპისკენ.
„ჩვენი მოძრაობა არის მოძრაობა თავისუფლებისთვის და თავისუფლებისკენ მოძრაობა სწორედ ნიშნავს მოძრაობას ევროპისკენ. ჩვენი მოძრაობა სწორედ ასეთია - ძლიერი, თავზეხელაღებული, თავისუფალი ადამიანების მოძრაობა, რომელიც მშვიდობიანად, მაგრამ აუცილებლად ჩაანაცვლებს ამ უნიათო მთავრობას, რომელიც მხოლოდ და მხოლოდ ჭაობს გვთავაზობს“,-განაცხადა გიგი უგულავამ.
კიდევ ერთმა ლიდერმა გიგა ბოკერიამ სამომავლო გეგმებზე საუბრისას განაცხადა, რომ პარტია საქმიანობას თვითმმართველობიდან იწყებს, სადაც ბიძინა ივანიშვილის რეჟიმს შეცვლის, შემდგომ კი ამ გავლენისგან დანარჩენ საქართველოს გათავისუფლებს.
„ვიწყებთ თვითმმართველობის არჩევნებით, სადაც უნდა მოვიყვანოთ ხალხი თვითმმართველობაში, რომელიც ემსახურება ჩვენს მოქალაქეებს და არა ოლიგარქს და ამით დავიწყოთ ივანიშვილის რეჟიმის შესცვლა. მერე, მთელს ქვეყანაში უნდა გამოვცვალოთ ივანიშვილის რეჟიმი და რაც მთავარია, ამის შემდეგ დავიწყოთ საქმის კეთება ამ ქვეყნისთვის ძლიერი გუნდით, ოღონდ ძლიერი გუნდით, რომელიც შეზღუდული არის კონსტიტუციით და რომელიც არის ხალხის წინაშე ანგარიშვალდებული“,-განაცხადა გიგა ბოკერიამ.
მონიკა დავლიანიძ