პოლიტიკა

ე.წ. ციანიდის საქმის მონიტორინგს ომბუდსმენის წარმომადგენელი განახორციელებს

სახალხო დამცველის, უჩა ნანუაშვილის განცხადებით, ის ე.წ. ცინიდის საქმეს ვერ ესწრება, რის გამოც სასამართლო პროცესის მონიტორინგს მისი წარმომადგენელი განახორციელებს.

ნანუაშვილის თქმით, მნიშვნელოვანია, პროცესი საჯარო იყოს საზოგადოებისთვის.

„მნიშვნელოვანია, რომ პროცესი იყოს ღია საზოგადოებისთვის და დახურული იყოს მხოლოდ ის ნაწილი, სადაც შეიძლება გარკვეული ინფორმაცია იყოს გამოძიებისთვისა და სახელმწიფოსთვის მნიშვნელოვანი", - განაცხადა ნანუაშვილმა.

შეგახსენებთ, დღეს ე.წ. ციანიდის საქმის მორიგი სასამართლო განხილვა გაიმართება. დღეს დაცვის მხარე წარსდგება, ასევე შეიძლება დაიწყოს მოწმეების დაკითხვა.

პროცესზე დასწრებას აპირებს თვითონ დეკანოზი გიორგი მამალაძე.

სხდომა დახურულ ფორმატში გაიმართება. ამას აპროტესტებს მამალაძის ოჯახი, რომელიც პროცესის საჯაროობის მოთხოვნით აქციას მოაწყობს.

ანა მებურიშვილი