კონფლიქტის ზონა

ე.წ. ცხინვალის პროკურატურის მიერ თამარ მეარყიშვილის დაკავების საკითხზე ინტენსიური კომუნიკაცია მიმდინარეობს - სუს-ი

სახელმწიფო უსაფრთხოების სამსახურში აცხადებენ, რომ ოკუპირებული ცხინვალიდან ცხელი ხაზით ოკუპირებულ ტერიტორიაზე მუდმივად მცხოვრები საქართველოს მოქალაქის, თამარ მეარაყიშვილის უკანონოდ დაკავების ფაქტი დაადასტურეს.

სუს-ის ცნობით, საკითხთან დაკავშირებით ინტენსიური კომუნიკაცია მიმდინარეობს.

ცნობისთვის, ოკუპირებული ცხინვალის ე.წ. პროკურატურაში განაცხადეს, რომ საქართველოს მოქალაქე ჯაშუშობის ბრალდებით დააკავეს.

არსებული ცნობებით, თამარ მეარყიშვილის წინააღმდეგ სისხლის სამართლის საქმე აღიძრა რუსეთის სისხლის სამართლის კოდექსის 276-ე მუხლით. ჯაშუშობის ბრალდება 10-დან 20 წლამდე თავისუფლების აღკვეთას ითვალისწინებს.