უკან

უახლესი ამბები

დღის კალენდარი

ანონსები

არქივი

კონფლიქტის ზონა

20 სექტემბერი, 2018 16:35
font-size

ეუთო-ს მონაწილე ქვეყნების ვალდებულებათა შესრულების შემფასებელ შეხვედრაზე საქართველოს ოკუპირებულ ტერიტორიებზე არსებული ვითარება განიხილეს

საქართველოს ოკუპირებულ ტერიტორიებზე ადამიანის უფლებათა დაცვის კუთხით არსებული მდგომარეობა იყო მთავარი თემა ღონისძიებაზე, რომელიც ადამიანის უფლებათა დაცვის განზომილება - ეუთო-ს მონაწილე ქვეყნების ვალდებულებათა შესრულების შემფასებელი ყოველწლიური შეხვედრის (HDIM) ფარგლებში ვარშავაში 19 სექტემბერს გაიმართა.

საქართველოს საგარეო საქმეთა სამინისტროს ორგანიზებით გამართულ ღონისძებაზე მოხსენებით წარსდგნენ საქართველოს მთავრობის ადმინისტრაციის ადამიანის უფლებათა დაცვის სამდივნოს უფროსი ნატალია ჯალიაშვილი და სახალხო დამცველის ოფისის წარმომადგენელი ლევან მესხორაძე.

მომხსენებლებმა ვრცლად ისაუბრეს საქართველოს ოკუპირებულ აფხაზეთისა და ცხინვალის რეგიონებში, ასევე საოკუპაციო ხაზთან არსებულ მძიმე ვითარებზე. ქართველი მომხსენებლების პრეზენტაციებში აქცენტი გაკეთდა ადგილობრივი მოსახლეობის, განსაკუთრებით ეთნიკური ქართველების მიმართ, საოკუპაციო რეჟიმების მხრიდან დისკრიმინაციულ მიდგომაზე, ეთნიკური ნიშნით ქართველების უფლებების სისტემატიურ დარღვევებზე. პრეზენტაციებში მოყვანილი იქნა სიცოცხლის უფლების ხელყოფის კონკრეტული მაგალითები, მათ შორის საქართველოს მოქალაქეების გიგა ოთხოზორიას, არჩილ ტატუნაშვილისა და დავით ბაშარულის მკვლელობის ფაქტები. აქცენტი გაკეთდა აღნიშნულ მკვლელობებში ბრალდებული კონკრეტული პირების პასუხისგებაში მიცემის აუცილებლობაზე.

სევე, ზემოხსენებულ დანაშაულებთან, ისევე როგორც ოკუპირებულ რეგიონებში არსებულ მწვავე ვითარებასთან დაკავშირებით, ყურადღება გამახვილდა რუსეთის, როგორც ოკუპანტი სახელმწიფოს, ადგილზე ეფექტური კონტროლის განმახორციელებელი ძალის პასუხისმგებლობის საკითხზე, ოკუპირებულ რეგიონებში ადამიანის უფლებების მონიტორინგის საერთაშორისო მექანიზმების დაშვების აუცილებლობაზე.

ქართველმა მომხსენებლებმა ვრცლად ისაუბრეს ასევე საქართველოს სამშვიდობო ინიციატივაზე "ნაბიჯი უკეთესი მომავლისაკენ" და იმ კონკრეტულ ინიციატივებზე და მექანიზმებზე, რომელსაც ხსენებული ინიციატივა შეიცავს ოკუპირებულ აფხაზეთისა და ცხინვალის რეგიონის მაცხოვრებლებისათვის.

ღონისძიების ფარგლებში, ნატალია ჯალიაშვილმა ასევე, ისაუბრა საქართველოს მიერ ქვეყანაში ადამიანის უფლებების დაცვის გაძლიერების მიზნით გატარებულ რეფორმებზე და მიღწეულ შედეგებზე.

ეუთო-ს მონაწილე ქვეყნების ვალდებულებათა შესრულების შემფასებელი ყოველწლიური შეხვედრა (HDIM) 21 სექტემბერს დასრულდება.

დღეს სახალხო დამცველი და საერთაშორისო კონფერენციის მონაწილეები კონფლიქტით დაზარალებულ მოსახლეობას შეხვდებიან

19 დეკემბერი, 2018 , 09:00

დღეს, სახალხო დამცველი და საერთაშორისო კონფერენციის - „კონფლიქტით დაზარალებულ რეგიონებში ადამიანის უფლებათა დარღვევების პოლიტიკური და სამართლებრივი შედეგები“ მონაწილეთა ნაწილი საოკუპაციო ხაზის მიმდებარედ სოფე

ხვალ სახალხო დამცველი და საერთაშორისო კონფერენციის მონაწილეები კონფლიქტით დაზარალებულ მოსახლეობას შეხვდებიან

18 დეკემბერი, 2018 , 17:40

სახალხო დამცველი და საერთაშორისო კონფერენციის - „კონფლიქტით დაზარალებულ რეგიონებში ადამიანის უფლებათა დარღვევების პოლიტიკური და სამართლებრივი შედეგები“ მონაწილეთა ნაწილი საოკუპაციო ხაზის მიმდებარედ სოფელ ხურვ

„კონფლიქტით დაზარალებულ რეგიონებში ადამიანის უფლებათა დარღვევების პოლიტიკური და სამართლებრივი შედეგები“ - საერთაშორისო კონფერენცია გაიმართა

18 დეკემბერი, 2018 , 17:40

საქართველოს სახალხო დამცველის აპარატმა შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატთან ერთად უმასპინძლა საერთაშორისო კონფერენციას - „კონფლიქტით დაზარალებულ რეგიონებში ადა

დე-ფაქტო პროკურატურის მიზანია ჩამსვას ციხეში და შემდეგ მოახდინოს ჩემი გამოძევება ახალგორის რაიონიდან - ახალგორელი აქტივისტი პრემიერს მიმართავს

18 დეკემბერი, 2018 , 14:00

ახალგორელმა სამოქალაქო აქტივისტმა, თამარ მეარაყიშვილმა პრემიერ-მინისტრ მამუკა ბახტაძეს დახმარების თხოვნით მიმართა. მეარაყიშვილის ინფორმაციით, ოკუპირებული სამხრეთ ოსეთის დე-ფაქტო პროკურატურა აპირებს მის დაპატიმრებასა და შ

ჩვენ არ დავუშვებთ აგრესიას აფხაზეთსა და სამხრეთ ოსეთზე - სერგეი ლავროვი

17 დეკემბერი, 2018 , 14:45

რუსეთის საგარეო საქმეთა მინისტრის, სერგეი ლავროვის განცხადებით, რუსეთი ოკუპირებული აფხაზეთისა და სამხრეთ ოსეთის მიმართ აგრესიას არ დაუშვებს. ასე უპასუხა ლავროვმა შეკითხვას, რომელიც ეხებოდა  ამიერკავკასიაში საქართველ

სამხრეთ ოსეთისთვის მიყენებული მატერიალური და მორალური ზიანის გამო ქართული მხარე ვალდებულია, ოსებს უმკურნალოს - დიმიტრი მედოევი

13 დეკემბერი, 2018 , 14:25

ოკუპირებული სამხრეთ ოსეთის დე-ფაქტო საგარეო საქმეთა მინისტრის, დიმიტრი მედოევის განცხადებით, ქართული მხარე ვალდებულია, ოსებს უფასოდ უმკურნალონ. „რაც შეეხება ქართველი პოლიტიკოსების მიერ ხშირად ექსპლუატირებულ თემას ს

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`