პოლიტიკა

ევროკავშირი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას - დონალდ ტუსკმა ქართულ ენაზე განცხადება გაავრცელა

ევროპული საბჭოს პრეზიდენტი დონალდ ტუსკი რუსეთის მიერ საქართველოზე განხორციელებული აგრესიის მე-10 წლისთავს გამოეხმაურა. მან საკუთარ Twitter-ზე განცხადება ქართულ ენაზე გაავრცელა, რომელშიც აღნიშნულია, რომ ევროკავშირი უჭერს მხარს საქართველოს ტერიტორიულ მთლიანობასა და სუვერენიტეტს.

„დღეს, როდესაც საქართველოსა და რუსეთს შორის ომის 10 წლისთავს აღვნიშნავთ, კიდევ ერთხელ მინდა გავიმეორო, რომ ევროკავშირი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობასა და კონფლიქტების მშვიდობიან მოგვარებას“, - დაწერა ტუსკმა Twitter-ზე.